[舊版][已停更]從前有個校長，佢禁錮咗全校人: Day 8f 梁日滔視角:那個造夢者

《梁日滔視角》
15：00
「聽講呢，2B班有個女仔好勁㗎，呢兩日發生嘅大事都同佢有關。」我和班中一個頗大圈子的同學說
「大事？有咩大事呀？最近都幾平靜呀。」
「而家短暫嘅平靜係會換來強勁嘅暴風雨㗎。不過我要講嘅係徐衍殤之死、2C滅班之禍同中三聯軍之役。」

「你係咪讀中史讀上腦呀？講清楚啲啦！」
「尋日2C班全班困喺莫名起火嘅MMLC，淨係死淨一個，而家下落不明。今朝中三有兩班對2B發動攻擊，但佢哋竟然只死咗三個人，反之對面班係有十幾條屍，你明唔明個分別？」

「你嘅意思係呢兩件事都係由2B同一個人策劃？」趙正儀走過去問。




「我無咁講過，不過係呀。」我反駁說說。
「咁徐衍殤呢？」她問「佢唔係俾怪物殺㗎咩？係劉加皓同賴明謙助攻嘅。」
「徐衍殤係死喺怪物手下，不過呢個係2B同劉加皓合作嘅成果，賴明謙只係臨時加入。」

趙正儀低頭思考了會。
「三件事都同2B有關？」
「而且都係同一個人有關。」我說。
「佢係？」
「嗰個女仔默默無名，但我知佢有個技能叫【造夢者】。」





「造夢者……」趙正儀喃喃自語「製造夢境嘅人，有咩咁勁？」
「聽講明哥都衰過喺佢手下。」我提醒她一句。
「真係？咁係時候帶佢過嚟，會一會佢。」她邪笑着說。

趙正儀和賴明謙打從骨子裡就是同一種人，傲慢、自大，而且總想要證明自己是最強大的。但趙正儀更衝動更心急，十足一個頻頻出風頭的小孩子。她這樣早晚會死在自己手上，上天從不會幫着狂妄自大的人。我應她意踏出了課室，不過沒有走去2B班，而是上去5D。

呀，對了。趙正儀對於徐衍殤一死，是完全不知道我的介入。在她眼中，我仍然是隻無知且服從的狗，我用我表面上的忠誠去麻木她，在不知不覺間一步一步將她毀掉。我敲響了5D的門，Quinn姐走來開門，對我展露一個厭惡的眼神。我則微笑點頭，答謝她的讚賞。
「你又上嚟做咩呀！」Quinn開着門不管不顧地問。

我踏進課室，不回答她，反而正對明哥。




「趙正儀要我去帶2B班嘅嗰個【造夢者】俾佢會一會。根據尋晚凌晨嘅消息，2D班嘅主席係俾佢殺死咗，拎到第三個未知技能。我有預感呢個技能絕對唔弱，今日就等趙正儀身先士卒，試下佢。」