有一日，我住左入精神病院: 六、肥仔明

「巨嬰」好興奮咁攬住我，係咁話：「新朋友！新朋友！」

我唔夠力推開佢，好彩喺我就黎窒息嘅時候，蕎蕎行左埋黎。

「肥仔明！唔可以無禮貌架！睇下你，嚇親姐姐喇。」蕎蕎嘅語氣異常溫柔。但姐姐？邊個姐姐啊？

「對唔住姐姐。」肥仔明好聽話咁放左手。

「唔... 唔該。」終於抖到氣。





「佢叫肥仔明。由五年前送入黎嗰陣就已經係咁嘅智商喇。你都唔駛怕佢，佢就係一個小朋友，無惡意架。」蕎蕎踮高腳，好溫柔咁摸摸肥仔明個頭。

「但點解... 佢會變成咁？」

「妖你又問咁多，總之你知佢係個小朋友，就好好錫住佢啦！」