有一日，我住左入精神病院: 二、思覺失調
我雙手被綁，唯有好似條蟲咁跳落床，再彈下彈下咁跳去門口。
透過細細隻嘅窗，我淨係見到出面係條好長嘅走廊，同埋對面同樣排滿曬病房。
我知道呢啲情況下嗌都無用，但都無可能就咁坐以待斃架嘛？
於是，我開始喺房入面搵下有無咩線索，睇下會唔會解釋到點解我會出現喺呢度。
果然，茶几上面擺左一份我嘅「病歷資料」，上面話我長期出現幻覺，有思覺失調？！會唔會係咁啊？我平時夢都唔發多個，你話我有幻覺？ 見到呢個咁荒唐嘅入院理由，我嬲到再無辦法冷靜咁坐喺度。
豈有此理，送我入黎都算啦，仲要老屈我有病？
我衝去門邊大大力咁拍門，一定要出返去講清楚！
「喂！有無人啊！放我出去啊！你地搞錯左喇！我無病啊！」