有一日，我住左入精神病院: 一、入院
瞓喺床上面嘅我一擘大眼，就只見到眼前一片白雪雪。
白色嘅牆、白色嘅天花板、白色嘅地氈——連我身上面嘅約束衣，都係白色嘅。等陣先，約...約束衣？唔係咁老套啊嘛，拍戲咩？
再望真啲，周圍嘅一切真係好似平時啲電影入面個精神病院咁，四面牆都鋪曬軟墊。咁大間病房入面，就得我瞓緊嘅呢張床、隔離嘅茶几同埋一幅掛喺牆上面、意義不明嘅黑色畫。
唔會係整蠱節目掛，周圍都唔見有鏡頭... 而且我雙手被約束衣勒到就黎流血咁濟，嗰種痛嘅感覺，絕對無可能係發夢。
好恐怖好恐怖，一定係搞錯左，我點會入左黎架？
快啲放我出去！