《突然有條女同我同居》(冇甜): 44

等陣...佢唔記得拎返走個紙箱...拎返去俾憶奇佢哋算。

但係而家有啲咩可以做...

我記得通常喺天台播歌會好浪漫，但係我個歌單淨係得啲憂傷嘅歌...

我望下周圍，可以打磨時間嘅嘢就只有個花園，但係我同時發現咗啲比較特別嘅嘢，令我對呢個花園好有興趣。

「我哋入去花園睇下？」



「好呀！」

然後我哋就慢慢行入花園，走入呢個被花朵包圍嘅小空間，係呢度，無其他人會打擾我哋。

我帶佢走到吸引到我目光嘅嘢前面。

「咩黎架？」,佢同平時一樣，對任何嘢充滿住好奇心，又唔會令人厭煩，以佢平常可愛嘅聲線問我。

「梔子花。」,我觀察住眼前呢種花講。



「咁有咩特別？雖然係幾靚。」,佢側一側頭。

我拎起旁邊寫住可以免費領取嘅乾花，放到佢手上，然後為佢解答道:

「梔子花嘅花語係...」

「永恆嘅愛，我對你會不離不棄」,我接住講。

雖然呢啲說話有好多好多人講過，亦有好多人都做唔到，但係我約定咗人嘅嘢，一定會去做，呢個係我嘅原則。



只見愛盈聽到之後，塊臉開始慢慢泛紅。

「你...搞到好似求婚咁架...」

的確喺呢種時候求婚好似好浪漫，但係而家都仲未係時機，而且我無任何準備。

「諗多咗喇。」,我笑住咁輕輕拍一下佢個頭。

不過下次嘅話，可能就真係。