《突然有條女同我同居》(冇甜): 29

愛盈煮野食....上次煮野食果陣已經...點算好,但係佢又講得咁有自信,可能真係學識咗呢,咁就試下啦...

「你...真係識整?」

「緊係啦,琴日瑩瑩同我練咗兩個鐘架!」

佢回答果陣仲要用一個充滿自信嘅樣嚟答我。

「咁...你加油」



跟住佢就入咗廚房奮鬥,然而我始終都係唔放心,所以係旁邊一直望住佢,但係我見到佢切野又切得有模有樣咁,所以都係唔阻住佢好啲。

之後我就去咗廳到睇陣書,再檢查一下活動嘅資料,再過多十幾分鐘之後,佢就捧咗碟番茄炒蛋出黎,望落又真係唔錯,之後我地兩個同時夾咗一舊嚟擺入口。

「會唔會...好似鹹咗少少...」

「哈...我都覺...」

「你落咗啲咩。」



「我頭先好似唔小心倒瀉少少鹽落去...」

佢講完之後仲要嘟住嘴咁望住我,扮可愛。

「唉...算啦,下次小心啲啦,而家都夜喇,我去煮飯啦。」

「好啦~嘻嘻~咁我去餵憶奇憶雪佢地啦~」

「乖。」



我講完之後摸一摸佢個頭,之後佢就傻笑住咁去揾憶奇佢地。

食完野之後,我就入咗書房睇下憶雪,一入到去,佢就將個身癡埋嚟嗲我,完全無唔適應嘅感覺,竟然適應得咁快,我本身仲以為要唔少時間...

咁睇嚟可以俾佢見下憶奇,之後我就帶佢去搵憶奇,佢望到憶奇之後,就走埋去聞憶奇條尾,而憶奇...就好似個石像咁郁都唔敢郁。

憶奇:「你做乜唔同我講佢咁靚女」

「你無問我咪無講,同埋佢凈係講唔到野啫,但係佢聽到野架,所以你啱啱...」

之後憶雪就望住憶奇,佢地兩個係呢一刻四目交投,然後...憶雪就行開咗...

憶奇:「咁樣係咩意思,佢唔鐘意我?!」

「唔好問我,我又唔係貓。」



之後憶奇就又匿咗去角落頭自閉..

正當我打算出去嘅時候,我部電話震咗一震,係阿龍send野過嚟。

龍-希~之前唔記得講,個比賽係啟業到打!

我-好呀,仲有你諗住著邊一件波衫,你最近唔係又買咗件新嘅咩?

龍-係呀,但係我都係諗住著fisher!

我-ok,咁睇黎一零年嘅陣容又要番嚟

龍-yeah~~~仲有呢!聽日我BB生日呀!所以我地諗住去你屋企慶祝!



我-點解又係我屋企...

龍-你屋企舒服!就咁話啦!聽日我地一點過黎呀!

我-求其...

之後我地傾多陣閒計我就去咗沖涼,沖完之後先發現,我好似冇拎到上身件T-shirt...

唯有出番去攞...(我有著番好條褲)

點知一打開門,就俾愛盈見到...