《突然有條女同我同居》(冇甜): 28

打開門之後，撲臉而來嘅，係一股溫暖...同上一次明顯截然不同，今次嘅氣氛迎來咗180嘅轉變，而且...眼前一片光令到我咩都見唔到，只係隱隱約約見到幾個人影，而且仲要模糊到連身形特徵都睇唔出，然後...就無然後喇...

因為...憶奇坐咗係我塊臉上面，令我差啲窒息身亡。

起咗身之後，我攞起咗部電話之後望一望，而家先凌晨四點...無野好做...又無靈感...咁...不如就睇下果個男人嘅嘢啦。

我打開youtube，搵關於佢嘅影片，佢華麗嘅射姿，永不放棄嘅精神，仲有果股拼勁，永遠都百看不厭。

無錯，佢就係－Kobe Bryant



我永遠嘅英雄，佢係我心目中，係偶像，係超越...MJ嘅存在，呢樣嘢，永遠都唔會變，我中一嗰陣，第一件嘅波衫，上面嘅number，就係24，而且佢係我心目中，永遠唔止係一個強大偉大嘅籃球員，仲係一個好爸爸，導師，教練，英雄。

佢生涯入面最後一場嘅比賽，永遠都睇唔厭，不知不覺，都已經七點，係時候要去開始準備新嘅一日。

首先就要整早餐，今日整咩好呢...都係整健康少少，最近我都好似肥咗一兩磅，唔控制好體重唔得，同埋愛盈都仲係冇高過，仲要好似變得越嚟越細粒...

所以我決定整少少雞胸肉，加少少西蘭花，再倒多杯牛奶，夠曬健康。

整好曬之後我就入房叫醒愛盈，但係估唔到今日竟然，因為當我入到去諗住叫愛盈嘅時候，憶奇又坐咗係佢塊面上面...做乜今日咁鐘意坐人塊面嘅...理所當然地，愛盈被迫咁起咗身....



盈：「憶奇！嗚....」

憶奇：「唔.....點解張床識郁嘅」

「你哋...唔...加油，一陣出嚟食早餐呀」

食完早餐之後我都無乜嘢好做，就打算同言姐傾下遲啲活動嘅事，點知當我諗住搵佢嘅時候，阿龍send咗啲嘢俾我。

龍－希！打唔打比賽



我－咩比賽

龍－遲啲有個3on3嘅比賽，一隊淨係要俾$100，所以我同阿峰諗住問下你打唔打，順便show off下俾囡囡睇嘛～

我－無所謂，幾時邊度打幾多場

龍－不如我直接send張poster比你

跟住佢就send咗張相俾我，

入面嘅宣傳單張上面寫住，

超優惠學生杯！！

一月五日打曬所有賽事



一隊只需$100作參賽費用！

只限七十二隊嘅名額！

一場決勝負！

另外！一隊嘅波衫需要顏色完全相同！

大會不會提供龜背！

一隊只可以有三人～

仲唔快啲黎參加？



我－好似唔錯，咁報名啦

龍－great！

我-咁波衫著咩,我好耐無著過Kobe

龍-咁不如就直接用果隊野啦!

我-ok

同阿龍傾完之後,我就去咗搵言姐。

我-言姐,我想傾啲野

言姐-開門先



開門...?

跟住之後,門鐘聲隨即響起,

我聽到之後就行去門口開門，

「你做乜又上嚟...」

「因為我今日其實本來都要上嚟同你你傾下下個禮拜活動嘅嘢～」

「咁...坐低咗先...」

「盈盈！」



「言姐姐」

唔知點解佢哋兩個見到對方之後就好似兩姊妹咁攬埋一齊...

「你哋兩個...幾時變到咁fd架」

「講咗你都唔知啦！」

佢兩個異口同聲咁樣講...

「咁不如...我哋都係傾番活動嘅嘢先...」

不知不覺，我哋就傾到四點幾，愛盈喺隔離都訓著咗，不過我地都總算係傾好咗，傾完之後言姐都番咗去，

「係喎希希～我琴日學識咗番茄炒蛋呀！你要唔要試下呀？」