《突然有條女同我同居》(冇甜): 12

話咁快就嚟到十月尾，亦即係令人又愛又恨嘅統測嘅時候喇。

同時亦都係啲「天才」出來威嘅時候，雖然我學業方面一啲都唔需要擔心，因為我未有超能力果陣就已經已經可以排到全級三十名以內。

更何況我而家有超能力，但係...某位睡公主就唔同喇...雖然統測淨係考中英數同phy chem bio，而佢中英數都算唔錯...掛...但係phy chem bio就...無記錯嘅話...佢應該無一堂係會訓得差嘅...為咗下年有機會同佢同級，所以我決定今日要同佢補習。

今日係星期日，聽日就考英文同化學，咁我就同佢集中溫化學啦...之後我就叫咗佢起身食早餐，跟住就去溫書，本來我係諗住去佢間房度溫嘅，但係佢不斷堅持要係我間房到溫，咁我都無辦法，跟住佢就話番房拎筆記，等陣先...佢唔係堂堂都係到訓覺架咩？

之後佢過嚟果陣唔知點解換咗條短啲嘅褲而且身上面仲有一陣香味，之後佢坐咗係我隔離，白滑嘅長腿加上誘人嘅香氣，令到誘惑嘅感覺越嚟越強烈。



呢個時候我腦入面嘅天使同魔鬼係度打緊交，結果最後...魔鬼贏咗，我伸隻手去下面...嘅櫃桶拎我本筆記上嚟，之後我哋就好正經咁溫咗兩個鐘，跟住我就決定休息下食完飯先再溫。

食完飯番嚟之後，我哋就繼續溫書，而憶奇亦都係客廳過到嚟我間房，繼續訓...我下世都想做貓...，話咁快就溫到六點，愛盈都肚餓到就嚟頂唔順，而我哋都啱啱好溫晒聽日要考嘅嘢，所以我就去咗煮飯。

食完飯洗完碗之後，我一出嚟就見到愛盈同憶奇一齊伏係張枱上面訓覺，見到呢個畫面...我即刻拎部電話出嚟影低佢，之後我就抱咗愛盈返佢間房，然後無幾耐之後我自己都訓著咗。
 
第二朝起身…

「黃愛盈你記唔記得今日考咩？」



「數學physics！」

「...」

好彩佢最後都合格晒...