《突然有條女同我同居》(冇甜): 6

傾多陣之後我就番咗房打文，打完文之後都十一點幾，當我諗住企起身果陣，我突然成身發熱，之後就眼前一黑...

當我起身果陣已經六點，但感覺只係過咗十幾分鐘,最後我都無諗太多，梳洗完之後就煮早餐跟住換校服。

件校服我明明記得買大咗一個碼...但係著上身果陣唔之點解好似有少少細件咁，唯有放學果陣買埋啦,又要嘥錢...

還掂我都冇咁快番得屋企住...希望今日唔好爆呔啦...

換完衫之後就要去叫公主大人起身，話說唔知點解由起身開始我隻耳仔就好似好乾淨咁，聽嘢都清咗，而且唔知點解好似唔洗戴眼鏡睇嘢都好清楚，明明我有600度近視，睇嚟晏啲放學果陣要順便去眼鏡舖驗一驗眼喇...



「起身喇公主大人」

「係～～」

七點果陣我哋終於可以好難得喇咁搞掂曬啲嘢，但係我哋發現咁早好似無乜好做咁，結果都係出咗門口，搭車個陣愛盈突然問我，

「點解你今日唔帶眼鏡嘅？同埋點解你好似高咗咁嘅」

「我今日諗住試下唔帶眼鏡...同埋我發育緊，唔似你咁樣細細粒」



講完之後我伸手摸咗佢個頭一下，我都唔知點解我會咁做，可能係因為佢實在太可愛，好似啲小動物咁，令我忍唔住伸手去摸佢個頭，但係最令我意外嘅係佢竟然完全唔抗拒，而且仲講多咗一句

「不如你唔好再帶眼鏡啦，你咁樣...都幾靚仔...」

「...好...」

竟然冇反應...

之後我哋兩個都無再講嘢，就咁一路番到學校，番到課室之後，我望一望座位表先發現得番一個角落頭位，不過咁樣正合我意。



因為可以比我上堂訓覺，當我坐低咗之後，我發現愛盈就坐係我隔離。

而八...螢螢就坐係佢前面，我而家先知我同佢同班...而坐喺我前面嘅係我識咗十年嘅兄弟，阿龍，我同佢嘅默契仲好過親生兄弟，所以我哋上年一齊拎咗籃球學界嘅冠軍，不過以後都應該唔會再有機會...

上咗成日堂之後終於都放得學，但係放咗學之後我仲未番得屋企...愛盈同螢螢就番咗去整甜品，而阿龍佢就去咗籃球隊練波。

得番我一個冇野好做，唯有去圖書館搵啲書睇下爆唔爆到靈感寫文,借咗啲書之後我就去咗買校服同驗眼，視光師話我嘅近視無咗，我問佢原因果陣佢竟然答我唔知，唔清楚...

搞掂曬啲嘢無乜嘢做我就諗住去公園坐陣寫下文...但途中我竟然見到啲嘢令到我俾佢吸引咗過去...