《突然有條女同我同居》(冇甜): 5

因為黃愛盈無咁快會返到，所以我返咗房諗住睇下書先，結果睇咗成粒鐘佢都未返到，佢今日又冇課外活動...所以我send咗個訊息俾佢，

「where are you？」

雙藍剔...過咗一分鐘之後都係雙藍剔....但係估唔到下秒黃愛盈就打開咗門返咗嚟，而且兩隻手都拎住咗一堆食材，咁佢用邊隻手開門...

我見到佢咁樣之後就即刻過去幫手擺啲食材係枱面，

「你買咁多嘢返嚟做乜？」，我望住一堆無乜關聯性嘅食材。



「因為你唔舒服呀嘛，所以咪諗住唔好麻煩你，等我黎泡製一個愛心...呀唔係一個愛盈大廚嘅人間美味比你囉」，佢語氣溫柔咁講。

人間美麗煮人間美味俾我...諗起都...等陣先，

「你...識煮嘢食嘅咩...」

「唔識呀，但係我今日係google上面搵咗啲食譜，應該好簡單嘅啫～」，佢望落充滿自信。

...睇黎我聽日九成都唔使返學喇...結果我都係唔放心，望住佢整。



「糖同鹽點樣分架？」

「炒蛋要落水定落油架？」

「火腿係生定熟架？」

...結果一個鐘之後，愛盈終於好成功咁整碟火腿炒蛋同可樂雞翼出嚟，仲有兩碗公仔麵，因為佢唔記得買米...而且有九成都係我整。

食完嘢之後，愛盈話有少少嘢同我講，



「聽日呢...err...聽日呢...你放咗學之後得唔得閒呀？」，佢怕醜咁望住地下講。

唔通呢個係約會嘅節奏？

「做乜咁問？」，我吞一吞口水之後講。

「因為...聽日瑩瑩佢話要上嚟教我整甜品...」

瑩瑩?之前嗰個八婆?等陣先...

「上...上嚟?」

「係呀...所以我先諗住問你得唔得閒放咗學之後係出面留耐少少囉」

「好...」，我苦笑道。



我嘅約會呢........