《突然有條女同我同居》(冇甜): 1

當我開門諗住比錢嗰陣，我見到嘅唔係外賣員，而係一個女神，佢叫黃愛盈，隻眼同普通亞洲人一樣係深棕色，但總係能吸引我嘅目光，有清純嘅外表，加上無法用文字可以形容嘅可愛，性格開朗，有唔少同性朋友，身高應該有155，留住及肩嘅中短髮，成隻公仔咁，見到都想攬住佢，有陣時上堂我都會忍唔住望過去。

開咗門見到佢之後，佢就問我可唔可以入黎先，我保持住一個好冷靜嘅樣俾佢入到嚟。

佢一入到嚟就笑住咁講：

「估唔到會係希哥呀...講明先呀，你唔好亂嚟呀，我同auntie講架。」

當我諗住開口問我腦中嘅一大堆疑問嗰陣，佢又問我佢間房係邊，話係想快啲擺低啲嘢去沖涼。



但係見佢咁樣應該都未食嘢，所以我就整咗碗餐腸麵擺喺枱面比佢食。

10點半果陣，佢無端端走嚟我間房到，我見到佢著住白色T加一條黑色運動短褲，露出咗一對白滑嘅美腿，而且啱啱沖完涼，身上仲有陣香味，令到我唔太敢望埋去。

「希大佬～你咁靚仔肯定做晒功課啦～」，佢用水汪汪嘅雙眼直視住我講。

呢種語氣...唔使諗都知係掂都未掂過啲功課。

 ​「下不爲例。」，見到佢白裡透紅嘅可愛模樣，唔知點解我拒絕唔到佢。



反正我都係抄人，借俾佢都無所謂，之後佢就番咗房努力學習，而我google完「點解沖完涼之後嘅女性會令人感到怕醜之後」就去咗瞓覺。

臨訓之前，千萬種諗法係我腦中浮現，呢個女仔...我對佢係幾有好感，但又唔係話係鍾意...雖然我都唔知鍾意係一種咩嘅感覺...人際關係真係麻煩。

等陣...我個外賣呢？

第二朝六點半，我一如平常咁俾個鬧鐘嘈醒咗，個人清醒之後我就打開門準備去廁所刷牙洗臉，一諗到對面房有個異性同學係到瞓緊覺，呢種感覺...有啲神奇，同埋...我個心臟跳得快咗。

梳洗完之後，我就去咗煮兩人份嘅早餐。



煮完都已經七點，我換完校服之後，見佢好似仲未起身就諗住過去叫埋佢，我入到佢間房之後見到佢雖然訓得好霖，而且個睡姿都有少少不堪入目，但總覺得...好可愛。 

「喂，起身喇黃愛盈。」，唔知點解，我總覺得自己嘅聲線好似溫柔咗。

佢聽到之後就好乖咁起咗身再伸個懶腰，曼妙且玲瓏浮突嘅身材一覽無遺。

我等埋佢搞掂晒啲嘢食埋早餐已經7點半，再唔出門口就要遲到喇，

「行喇公主。」,我隨口講咗出嚟。

之後我哋上到巴士。

傾計途中我得知我哋今年又同一班，同埋佢之前原來唔見咗條鎖匙，所以放學之要去配返條。

我同佢講返到學校之後唔好同任何人講我哋而家一齊住，唔係嘅話我應該會變成大部份人嘅公敵。



返到去班房，佢就去咗同佢啲朋友坐，我亦都求其搵咗一個角落頭位坐。

...因為我唔係幾鐘意同人坐，還掂遲啲班主任都調位。

因為頭一個禮拜放半日，所以好快我就瞓到放學。

放學之後，黃愛盈同我講佢想食飯先，所以我哋就求其搵咗間茶餐廳坐低咗。