《毒L和初戀相識的日子》: 第一百九十一章 午間閒聊

第一百九十一章 午間閒聊

「可以呀。」晴晴回應。

原來戈個人係阿Paul同埋晴晴識咗冇幾耐嘅同學。佢用咗十分鐘左右就食哂個飯，之後就話唔阻我哋，走先喇。

「咁你哋番學番成點？」我問。

「唔係好習慣囉。上堂教書都係講英文，有時跟唔倒。」阿Paul無奈地回應。





「係呀，仲有好多Project要做，好鬼忙呀。我依家都有啲掛住我哋喺I大戈陣嘅日子，起碼冇呢度咁忙先啦。」晴晴回應。

「I大簡直係天堂啦。同埋呢度啲成績係拉curve，I大就拎幾多分就屬於咩grade。」阿Paul補充。

「咪係囉。所以喺呢度真係要努力好多。」晴晴回應。

「你哋唔洗太擔心嘅，因為你哋啲成績一向都好ok。」我回應。

聽完佢哋咁講，我發現大學嘅生活一啲都唔輕鬆。





「轉吓話題先。我想問吓你哋最近點~？」晴晴笑笑口咁問。

「我同Winnie？」我問。

「係呀，你明知故問呀？」晴晴回應。

「冇咩點呀，都係有keep住聯絡咁囉，Whatsapp同埋Skype都有。」我回應。

「咁咪好囉~」阿Paul回應。





「係囉，咁樣有來有往咪幾好~」晴晴帶有微笑地回應。

「同埋我聽講家怡有男朋友喇喎？」晴晴問。

「係呀，公司同部門嘅一個男同事。咁妳都知？」我回應。

「係呀，之前同佢傾計佢有講過，不過就冇講個男仔係邊個。」晴晴回應。

食完lunch之後，我哋喺學校範圍行吓。一路上佢哋都有向我講佢哋去過嘅地方，例如佢哋上堂嘅地方。睇嚟佢哋已經熟哂路喇。

行咗一陣，阿Paul同埋晴晴要去搵佢哋嘅教授問嘢，佢哋話下次再約我嚟周圍行吓同埋食嘢。而我就走先喇。

我沿隧道行番去又一城，打算去紅磡搵好耐冇見、喺Poly U讀書嘅Leo出嚟行吓，不過佢話要陪女朋友，咁就冇計喇。

之後我決定番屋企喇，喺搭車途中我㩒電話同埋上吓網。突然，Winnie send咗一段Whatsapp 信息比我，我睇完之後心入面感到極度不安。










呢種不安嘅感覺非常難受。