《毒L和初戀相識的日子》: 第一百七十三章 傷心過後

第一百七十三章 傷心過後

阿俊部電話顯示係Jenny打比佢，我同David同時都見倒。直到電話掛斷之前，阿俊都係冇接聽。

「做咩唔聽電話呀？」David問。

「我... 我唔知點面對佢...」阿俊無奈地回應。

「我就問你一句，你仲中唔中意Jenny吖？」David問。





阿俊冇出聲，輕輕地點頭回應。

「咁你就同人哋講清楚啦！」David向阿俊講。

「我就係唔知點做呀...」阿俊回應。

「你叫佢上嚟食嘢，我哋幫你。」David回應。

之後，阿俊打番比Jenny，叫佢嚟Zoe屋企食嘢，而Jenny亦都應承咗。





至於Zoe，佢已經打完電話叫外賣，分別叫咗pizza同埋炸雞。我哋講番阿俊嘅事比佢聽。

「咁幾好吖，大家肯傾就會易好多去解決問題。」Zoe聽完之後回應。

我哋暫時停咗打牌，等阿俊冷靜吓。喺等待嘅期間，阿俊坐立不安，顯得好緊張。

「我去個廁所先。」Zoe向我哋講。

為咗令阿俊冇咁緊張，David同我都嘗試同阿俊講啲嘢。





「其實我之前都有試過同Zoe鬧交啦，戈次佢成杯嘢倒咗落我部notebook度，我鬧咗佢幾句，佢就嫌我好惡鬧佢。最後過兩日同佢say sorry咪冇事囉，男人認句錯好易姐。」David向大家講。

「咪係囉，Winnie冇耐之前都因為一啲小事嬲咗我，佢就覺得好大件事。我最後都同佢道歉，之後就冇事喇。男人就係要大方啲㗎啦。」我向大家講。

「知道喇，我一陣識做㗎喇。」阿俊回應。

「加油呀，我哋撐你㗎！」David向阿俊講。

「加油啦！」我回應。

「多謝你哋呀~」阿俊回應。

阿俊嘅心情好明顯比啱啱平靜得多。Zoe出番嚟之後，我哋繼續打牌。

大約三十分鐘之後，門鐘響起:「叮噹叮噹」





「等我去開吖。」阿俊主動地提出。






希望阿俊一陣可以順利解決啦。