《毒L和初戀相識的日子》: 第一百五十三章 FYP 口頭報告

第一百五十三章 FYP 口頭報告

日子一日一日咁過，不知不覺已經到咗present Final Year Project嘅日子。

呢排一邊實習，一邊要做Final Year Project，準備時間實在唔太足夠。

每個人都有兩個阿sir或者miss聽present同埋比分，我就係梁sir同埋只係教過我一科嘅陳sir聽。

Present嘅模式係一個人單獨喺班房入面present 15分鐘，之後有Q&A時間。英文麻麻嘅我，講得唔係咁順暢，不過都叫做成功完成咗呢件事。





其他人都順利完成，除咗阿俊，聽佢喺Q&A戈時就比個阿sir針對，問埋啲好深嘅問題，搞到佢唔識答。雖然係咁，但係佢覺得應該會合格的。

完咗FYP之後，喺I大淨番嘅最後一堂係下星期四，喺堂上考試。

放學之後，我同阿Paul、晴晴、阿俊同埋Jenny一齊走。

「終於完咗FYP，不如一齊去食飯慶祝囉？」阿Paul問。

「好主意呀~」晴晴回應。





「好呀~」阿俊回應。

「冇問題~」Jenny回應。

「我都ok~」我回應。

我哋五個去咗大埔嘅一間食拉麵嘅日式餐廳。點餐之後，我哋傾咗陣計。

「我哋就快畢業喇，兩年時間真係過得好快。」晴晴對我哋講。





「係呀，仲記得第一日番學喺canteen見倒Joseph哥同埋Winnie~」阿Paul回應。

「咁你都記得嘅。」我回應。

「梗係啦，戈陣你哋啱啱選咗做男女班長~」阿Paul回應。

「戈日係我哋第一日識~」晴晴回應。

「真係好似唔係發生咗好耐咁，話咁快就話畢業喇。」阿俊感嘆地講。

「係呀，畢業之後要煩搵工喇。」Jenny回應。

「我同晴晴就諗住繼續讀上去。」阿Paul回應。

「都要搞掂埋下星期個考試先嘅。」晴晴回應。





「唔洗驚啦，你哋成績咁好。」我回應。

「係囉。」阿俊回應。

「你都唔差姐。係呢，記唔記得之前……」晴晴回應。

之後我哋傾吓呢段時間發生嘅趣事，直到食完嘢。












如果妳冇移民，依家就可以一齊等畢業。