《毒L和初戀相識的日子》: 第一百五十二章 放鬆

第一百五十二章 放鬆

我地實習嘅同時，每個星期四都有一堂要上，同埋搵負責老師傾Final Year Project。

今日係星期四，我一早起身番去I大。今個sem嘅呢科都係梁sir教。

番到學校，我去汽水機買咗盒朱奶飲，唔知點解今日特別想飲。

入到課室，我坐咗喺後排中間嘅長枱，隔離坐咗阿Paul同晴晴，而前面就坐咗阿俊、Jenny同家怡。





呢科早兩個星期有一個test，佢今日派番份test比我地睇分。

「各位同學，今日我會派番之前份測驗比你地睇分。大家收倒之後睇吓有冇計錯分。好，叫名嘅出嚟拎吖。」梁sir對全班講。

份卷100分滿分，結果我有70分。

「成績ok吖嘛~？」阿Paul問我。

「ok啦。你地呢？」我回應。





「你睇吓~」阿Paul回應。

阿Paul同晴晴比佢地份卷我睇，兩個嘅分數都有九字頭。佢地果然係讀書嘅材料。

而阿俊同Jenny都測得一般般，不過都pass嘅。

到落堂之後，我約咗家怡、晴晴、阿Paul同阿俊去canteen食飯，因為我地都約咗下晝同所跟嘅老師傾FYP。

我地各自買嘢食，再坐喺一張長枱嘅一邊。





「你地實習好唔好做呀？」阿俊坐低之後問我地。

「我個部門都算多嘢做呀，好多report打，想快啲完。」晴晴回應。

「well，我覺得算輕鬆嘅。」家怡回應。

「我戈邊唔算多嘢做，不過悶咗啲。」阿Paul回應。

「我覺得都ok，咁你呢？」我問阿俊。

「唉，唔好提，多嘢做到pk。我同Jenny都一定唔會留喺度繼續做。」阿俊回應。

食完lunch之後，我地各自搵番負責嘅老師傾FYP。

距離present FYP嘅日子越嚟越近，我有信心可以做好佢嘅。





傾完之後，我趕住番屋企，因為今日又係約咗佢傾計嘅日子。





喺工作中番一日學，可以休息同放鬆吓。