《毒L和初戀相識的日子》: 第一百四十六章 兼職

第一百四十六章 兼職

完咗Sem One之後，喺sem break戈陣我搵咗份part time番，同舊年一樣係賣飲品嘅舖頭。

工作主要係沖嘢飲，都算唔係幾辛苦，缺點係冇得坐。每個星期要番三至四日，時間係六至八個鐘。

間舖頭位於荃灣，每日番工同收工我都係搭巴士，由屋企出發到舖頭大約要用半粒鐘。

我早前將番part time呢件事同咗阿Paul同晴晴講，佢哋今日嚟咗搵我收工同埋一齊去食嘢。





今日我嘅收工時間係六點，佢哋好準時嚟到搵我。

「點阿Joseph哥，份工辛唔辛苦呀？」阿Paul一見面就問我。

「都ok嘅，係冇得坐囉。」我回應。

「唔緊要啦，你都唔係番好耐姐。」阿Paul回應。

「咁你哋呢，有冇搵part time做？」我問。





「我哋兩個都搵咗份補習。」阿Paul回應。

「係呀，幫小學生補習。每星期補兩至三日。」晴晴回應。

我哋行到去大鴻輝(荃灣)中心，呢幢大廈有好多唔同種類嘅食肆。

「食咩好呀？」我問。

「不如打邊爐囉？」阿Paul提議。





我同晴晴都表示冇所謂。

於是，我哋搭Lift上咗一間火鍋店。等咗半個鐘，終於可以入座。我哋坐咗一張卡位。

「係呢，你哋最近點~？」晴晴喺坐低之後問我。

「咩點...？」我問。

「你同Winnie呀。」晴晴回應。

「都係咁囉，得閒咪Skype囉，每日都有keep住Whatsapp嘅。」我回應。

「咁人哋會唔會番嚟呀？」阿Paul問。

「佢之前話十二月尾放假可能會番香港過，但係仲未肯定。」我回應。





「你哋兩個加油啦~」晴晴回應。

「係呢，你聖誕節得唔得閒？」晴晴問我。

「應該得，做咩？」我回應。

「之前咪講過聖誕節一齊食餐飯囉，你唔記得喇？」晴晴回應。

「係喎，唔記得添。我ok阿。」

「咁就好。」

之後啲食物嚟咗，我哋開始食嘢。










唔知幾時先見倒妳呢？