《毒L和初戀相識的日子》: 第一百一十六章 相約

第一百一十六章 相約

到星期三，Winnie有啲事要走堂，所以得我自己番I大，番一點半。番到去之後，喺樓梯撞倒阿Paul同晴晴。

「Joseph哥，早晨呀！」阿Paul同我講。

「幾多點呀仲早晨！」我無奈地回應。

「咦，唔見Winnie嘅~？」晴晴問。





「係呀，佢話今日有嘢做所以走堂喎~」我回應。

「原來係咁~」晴晴回應。

今日嘅課室係128室，入到去之後我原本想坐番窗邊最後一排二人位，不過比阿Paul拉咗我坐中間嘅最後一排五人長枱。

結果我坐最右邊，坐我隔離嘅順序係阿Paul、晴晴、Jenny同阿俊。

課堂開始，呢科係一個中年阿sir教，姓陳嘅，內容又係咁沈悶。隔離嘅阿Paul同晴晴好尊心咁聽書，而我就一時聽吓、一時㩒吓電話。一個鐘多啲之後，終於放break喇。





「放一個十分鐘嘅break先。」陳sir對全班講。

「下星期五放假，不如約食飯唱K直落咯~？」晴晴問我地。

下個星期五係復活節假期。

「我ok阿~」阿俊回應。

「我都ok~」Jenny回應。





「好阿~」Christy回應。

「冇問題~」我回應

「我... 帶多個人嚟... 得唔得？」家怡口窒窒咁問。

「可以呀~ 到時介紹比我地識啦~」晴晴回應。

家怡尷尬地點頭，大家都喺度笑佢。

之後，我用Whatsapp問Winnie，佢話佢戈日都得閒去，仲叫埋Zoe嚟。不過，David就唔得閒嚟。

放學之後，我行番沙田站搭車番去。番到去之後，竟然比我喺屋企樓下離遠見倒Winnie同伯母。

不過，氣氛好似有啲唔妥。伯母好似好唔開心，Winnie嘗試開解佢。





我見倒咁嘅情況，都唔敢行埋去打招呼喇。唯有之後再問番Winnie發生咩事啦。





唔知點解，有少少不安嘅感覺。