《毒L和初戀相識的日子》: 第一百一十五章 相處模式

第一百一十五章 相處模式

到第二日，今日係星期二，又係上Miss Yip嘅英文堂，番一半到四半。今日要交一篇文，不過我唔係太識點做。

好彩有Winnie嘅指導，琴晚Whatsapp同佢一齊傾完，好快手就搞掂份嘢喇。

我同Winnie上堂之前一齊去電腦房print嘢，見倒阿明又喺度用部notebook同佢女朋友Skype傾計。

其實，兩個人喺咁遠距離都可以保持聯絡、維繫感情，實在係十分之難得。





我地print完份作文功課之後，原本打算叫埋阿明一齊番課室，不過佢仲未傾完，所以我地就唔阻佢喇。

喺行番左課室嘅途中，Winnie問咗我一個好難答嘅問題，可以話係比考試題目更加難嘅問題。

「男班長呀，你點睇Long D呢樣嘢？即係好似阿明同佢女朋友咁~」Winnie問。

「我唔知喎~ 我地都唔會變咗做Long D啦，所以冇特別諗過呢樣嘢。」我考慮咗大約半分鐘之後回應。

「咁你依家諗吖~ 我想知你有咩睇法呀~」Winnie表情認真咁同我講。





「吓，一時之間好難答倒妳㗎喎......」我無奈地回應。

「咁你放學戈陣先答我啦，有成三個鐘比你慢慢諗。」

妳估我唔洗上堂咩......

「好啦。」

入到課室，見倒阿Paul同阿添有講有笑，而我都過咗去湊熱鬧。





「我諗通咗喇，中意一個人唔一定要喺埋一齊，做好朋友都得㗎姐~」阿添向我地講。

「你識咁諗就好喇。」阿Paul回應。

之後，我同阿Paul仲有啱啱番嚟嘅阿俊襯未夠鐘上堂就去咗個廁所先，期間我將Winnie問我戈個問題同咗佢地講。

「Joseph哥，你心入面點諗咪照直講囉，又冇標準答案嘅~」阿Paul聽完之後回應。

「啱呀，你自己點睇戈樣嘢咪講番出嚟比佢聽囉~」阿俊回應。

我地番入班房，Miss Yip已經到咗。

「Please hand in your asasignment to me now.」Miss Yip對全班講。

「幫你交咗喇，男班長~」Winnie喺我番埋位之後同我講。





「唔該妳~」我回應。

到放break戈陣，我決定直接回應Winnie個問題。

「啱啱妳問我戈樣嘢我有答案喇~」

「講嚟聽吓~」

「兩個人如果可以喺咁遠距離都保持倒聯絡，咁就證明咗雙方嘅信任。不過長時間都見唔倒對方，咁就點都會有啲難受。」我回應。

「我同你嘅睇法都差唔多~ 就好似阿明咁，佢已經習慣咗同女朋友嘅呢種相處模式，有啲嘢都係順其自然好啲~ 」Winnie回應。

我唔係太get倒Winnie想講啲乜。





放完break之後繼續上堂，見倒坐我地前面嘅家怡好開心咁拎住一條手鏈。

「邊個送比妳㗎~？」同樣坐前面嘅Christy問。

「係秘密~」家怡回應。

唔洗佢講，我地都估倒係邊個送啦。

到放學戈陣，阿文又喺班房門口等家怡，然後佢地一齊走。至於我同Winnie就同阿俊同Jenny一齊行去沙田火車站，一路上傾計發現原來佢地兩個今日係拍拖五百日紀念，會去新城市戈邊睇戲兼食飯慶祝。




無論係好朋友之間、曖昧中嘅男女、熱戀中嘅情侶、啱啱和好如初嘅情侶定係Long D緊嘅情侶，都有特定嘅相處模式。