《毒L和初戀相識的日子》: 第八十一章 愛情鎖牆

第八十一章 愛情鎖牆

到第二朝，我地較咗電話鬧鐘，九點鐘起身。我同阿俊都準時醒咗，不過阿Paul仲瞓緊。

「琴晚同Winnie傾咗啲咩呀？」阿俊問我。

「冇呀，傾吓閒計囉~」

「有冇做其他嘢先~？」





「喺海邊可以做倒啲咩呀……」

「夜晚一個人都冇，做乜都得啦~」

「我地先唔會做戈啲嘢囉...」

我絕對唔會講琴晚同Winnie嘅嘢...

梳洗過後，阿Paul終於都醒。





「早晨呀。」阿Paul對我地講。

「早晨。」

「我梳洗埋就落去啦。」

我地換埋衫、執好嘢，之後就落樓下喇。而Winnie、晴晴同埋Jenny都同一時間落去。

「我同Jenny要走先喇，佢要去番工。」阿俊對我地講。





「係呀，拜拜喇各位~ 番學見啦。」Jenny講。

「拜拜~」各人回應。

阿俊同Jenny隨即行去碼頭，得番我、Winnie、阿Paul同晴晴。

「食早餐先啦不如~？」晴晴問。

「好呀~」Winnie回應。

我地一直行，行咗去一條小巷入面，見倒有一間茶餐廳。

「呢間好唔好呀~？」晴晴問。

「冇所謂呀~」Winnie回應。





「我都冇所謂~」阿Paul回應。

「我ok呀~」我回應。

我地四個入咗去坐低，叫咗四份港式早餐，包括有沙嗲牛通、腿蛋治、餐蛋麵同埋雪菜肉絲米。

味道都一般般啦，食完之後我地決定喺長洲行多陣。

中途晴晴話有事要走先，阿Paul同佢一齊走，至於我同Winnie就決定留多陣。

我地一直行，到咗東灣路，見倒愛情鎖牆。

「不如我地都買嚟寫咯~？」Winnie問。





「好呀~ 咁妳想要咩顏色嘅鎖~？」

「不如粉紅色吖~」

「好呀~」

買咗個鎖之後，就要寫嘢上去喇，

「咁你寫你個名上去先啦~ 寫完比我寫~」Winnie講。

「好~」

我寫咗自己個英文名。

「到妳喇~」





「嗯~」

Winnie都寫咗自己個英文名，仲好似加咗啲嘢。

「我都寫完喇~」

鎖上面寫咗我同Winnie嘅英文名，中間Winnie畫咗一個心形圖案。

「咁我地一齊鎖上去吖~」

「嗯~」

戈個粉紅色鎖，被鎖上喺愛情鎖牆上，當中有重大意義。不但代表住我地嘅愛情，亦都係我地之間嘅一種見證。





之後我地繼續行，經過番琴日掃街戈度，再一路行去飯店戈邊，見倒一間租單車舖。

「不如踩一陣囉~？」我問Winnie。

「我唔識踩呀...」

「妳坐後座咪得囉~」

「咁好啦~」

我地租咗一部單車，之後就沿住海邊一直踩，期間經過一間學校。而Winnie就喺後座緊緊咁攬住我條腰。去到一個位，我地停低休息咗一陣。

「妳想唔想學踩單車呀~？」我問Winnie。

「想㗎~」

「搵日教妳吖~」

「好呀~ 等你約我呀~」

「咁搵次放假約出嚟教妳囉~」

「嗯~」

我地踩番轉頭，時間大約係兩點半。

「不如走囉，都冇咩行喇~」Winnie同我講。

「好呀~」

我地坐船番中環，落船已經四點幾。

「我今晚番屋企食呀~」Winnie同我講。

「咁番去囉？」

「嗯~」

番到去我地照舊喺屋企地下大堂分開。

「星期一朝早見啦，男班長~」

「好啦，咁拜拜喇~」

「拜拜~」

番到屋企之後，我心入面諗: 「原來第一次kiss係會有咁嘅感覺，係幸福嘅感覺。」





其實，到依家我個心仲好緊張。