《毒L和初戀相識的日子》: 第七十八章 掃街

第七十八章 掃街

喺長洲掃街，好多元化，有好多種類嘅食物可以揀。最出名嘅當然係長洲大魚蛋，配有唔同嘅醬汁選擇。

條街實在太多人喇，行行吓我同Winnie都唔知佢地去咗邊，所以我地決定自私食。好多間舖都有大魚蛋賣，我地求其行到去其中一間。

「你想試咩味？」Winnie問我。

「妳食唔食得辣㗎？」我反問番Winnie。





「乜你咁冇記性㗎...」Winnie失望地講。

「我地好似都冇食過辣嘢~」我猶疑地講。

「人地同你食譚仔，係點叫㗎？」Winnie有少少不耐煩地講。

「我記得喇，妳叫十小辣嘅~」

女人嘅記憶，真係唔能夠睇少。





「咁叫一串原味、一串沙嗲味試吓~？」我問。

「好呀~ 沙嗲我都食倒嘅~」

一串有兩粒，我地每種味都試咗一粒。

「都ok喎~」Winnie講。

「係呀，味道幾好吖~」我回應。





我同Winnie再一路行，已經見番阿Paul同晴晴喇。佢地坐咗喺一間舖頭出面嘅枱凳度食緊雞肶。

「好正咁喎~」我同大家講。

「你地食唔食吖~？」阿Paul問。

「我想試吓其他嘢呀~」Winnie講。

我同Winnie再行，見倒一間店舖賣緊都好出名嘅小食，巨薯棒。阿俊同Jenny已經食緊。

「我想試呢個呀。」Winnie同我講。

「咁我去買吖~」

買完之後等咗一陣就有得拎，再自己去落香蒜、鹽等等嘅調味料。





我同Winnie就好似電視劇啲情侶咁，佢食完一塊，我又接住食咁。

「你地洗唔洗咁閃呀~」阿俊同我地講。

「咩喎~」我回應。

我地再周圍行，食咗份章魚小丸子，都覺得飽喇。

之後，我地會合番阿Paul同晴晴。大家都去買咗杯飲品。

「我地都夠鐘去東堤喇~」晴晴講。

「咁啲房點安排先，有人好緊張㗎~」阿Paul望向我講。





「去到咪知囉~ 唔好咁心急啦，Joseph~」晴晴回應。

「我邊有姐...」我無奈地回應。

「行啦我地~」Winnie同大家講。









同妳一齊掃街，我覺得好幸福~