《毒L和初戀相識的日子》: 第七十五章 奇怪

第七十五章 奇怪

兩個人相處，如果對方有嘢專登唔比你知，你點都會feel倒嘅。

今日係sem two開始之前倒數七日，我地約咗出嚟打邊爐，地點係旺角創興廣場。

今次係Winnie約大家出嚟，分別有阿Paul、晴晴、阿俊、Jenny、David同Zoe。家怡同Chirsty都唔得閒嚟。

我地約咗七點喺旺角地鐵站等，我同Winnie五點半落樓下搭巴士出去。





「男班長，行喇我地~」Winnie講。

今日我早到咗。

喺車上，Winnie話佢最近睇緊啲平機票。

「妳想去旅行咩~？」我問。

「唔... 唔係呀~ 都... 冇時間去啦~ 我幫人搵姐~」Winnie吞吞吐吐地回應。





佢平時講嘢好少會窒窒吓，會唔會係有啲嘢專登唔講呢...

「搵平機票都係T字頭、E字頭戈啲價格網啦，哈哈~」我回應。

「我再睇吓先~ 係呢，Zoe話一陣完咗想約我地去佢屋企打通宵牌。你得唔得呀~？」

「可以呀~」

出到去之後，等咗一陣大家都到齊。我地由地鐵站行去創興。我地分咗兩批人行，Winnie同Zoe、David行，我同其餘嘅人行。





「考試考成點呀？」我問阿俊。

「都ok吖，你呢？」

「合格有突嘅。」

「Joseph哥，你地點呀~？」Paul問。

「咪又係咁~」我回應。

「加油啦你地~」晴晴講。

我地上到去間舖，限時兩粒鐘，好快就已經食完喇。

「我同晴晴走先喇，拜拜~」阿Paul對我地講。





「我都同Jenny走喇，拜拜~」阿俊對我地講。

之後，我同Winnie、David、Zoe去Zoe屋企打牌，三番起糊。

雖然Zoe屋企今晚冇人，不過我地盡量都將打牌同洗牌聲收細，廢事嘈倒隔離鄰舍。

「Joseph呀，如果Winnie突然有一日唔喺你身邊，你會點？」Zoe喺打牌中途問我。

「唔會嘅~ 如果真係，我可能唔知點面對。」我回應。

「唔好意思，我自摸。」David突然講。

而呢個話題亦都輕輕帶過。





去到六點幾，我同Winnie番去喇。

「我地走喇，拜拜~」Winnie講。

「拜拜~」David、Zoe回應。

喺搭輕鐵番去嘅時候，Winnie問咗我一個問題。

「啱啱Zoe個問題，你真係會唔知點面對咩？」

「係呀，我好難想像倒你唔喺我身邊會點~」

「我都係... 好攰呀，番到去即刻瞓~」

「我都好攰~」





「咁番去之後我地再約啦~」

「好呀~」

我地番到屋企地下大堂就分開上去喇。

我覺得Winnie好似有啲嘢忍瞞緊。





唔知點解，心入面有種奇怪嘅感覺。