《毒L和初戀相識的日子》: 第七十四章 晚餐

第七十四章 晚餐

Winnie話上網睇倒一間台日餐廳，想去試吓。我當然冇問題啦，因為最怕就係要諗去食咩。

戈間嘢叫茶屋町居食屋，地點喺朗豪坊隔離嘅朗晴坊。由海洋公園搭巴士到金鐘，再轉地鐵去旺角就到喇。

我地一上到去，都比等位嘅人數嚇親。目測大約有四、五十人等緊位。我首先去攞咗張飛。

「咁仲等唔等？」我問Winnie。





「你話事啦，男班長~」

「咁… 不如等吓？」

「好呀~」

大約等咗一粒鐘之後，終於有位喇。間餐廳特別之處係有室外嘅位，而且仲有打卡位添。

餐廳入面嘅氣氛好熱鬧。我地點餐之後，Winnie問咗我一個問題。





「我個朋友嚟緊九月要去台灣讀書，不過佢仲未同佢男朋友講。你覺得講唔講好~？」

「其實講唔講都要離別㗎啦。如果講，兩邊都會唔開心。如果唔講，就唔洗經歷最後道別戈幕，不過最後兩邊都係唔開心。所以，我覺得妳個朋友按心入面所諗咁做就最好喇~」

「都係嘅~ 咁我同佢再商量吓先啦~」

食物終於嚟到，我地叫咗兩個餐。分別有兩個主菜同兩杯飲品。主菜係嚕肉飯同埋鹽酥雞飯，飲品係珍珠奶茶同百香果紅茶。

啲食物水準都幾好，我地share食，咁每樣都可以試倒。食完之後我地就番去喇。





「我地幾時再約~？」Winnie問。

「再決定啦~」

「我想我地見多啲面呀~」

「咁過兩日再出嚟囉，去睇戲~」

「好呀~」

我地搭巴士番去，番到去之後就行到屋企地下大堂。

「咁我地過兩日再約出街喇喎。」我對Winnie講。

「嗯，Whatsapp傾啦~」





「好啦，拜拜~」

「拜拜~」





今日係我地一齊咗一個月零一日。