《毒L和初戀相識的日子》: 第六十三章 慶祝生日(一)

第六十三章 慶祝生日(一)

好多人都話，喺生日越早同你講「生日快樂」嘅人，就代表佢越重視你。

雖然我對呢句說話有保留，不過我都自動自覺地喺12月10號午夜十二點多啲send咗句「生日快樂」比Winnie。

「Winnie~~ 生日快樂喎~~」(00:03)

Winnie傳送了2個信息
「多謝你喎~ 男班長~」(00:05)




「聽日見啦，唔好遲到呀~」(00:06)

我地約下晝兩點喺樓下等，再行去屯門站會合其他人，然後一齊行去工廠區嘅一間Party room。

我將份禮物入咗落個紙袋度，再放喺背囊入面，喺適合嘅時間就會送比Winnie。

我早咗少少落樓下等，好快就見倒Winnie。

「生日快樂喎。」我向Winnie講。





「多謝你呀，男班長~」

「行囉。」

「好耐都冇試過咁多人同我慶祝生日喇...」Winnie感嘆地講。

「係咩，咁上年呢？」我問。

「上年仲番緊中學，仲要補課，冇得正日慶祝。喺一個星期六同咗Zoe同埋另外兩個friend食咗餐飯咋。」Winnie失望地回應。





「算啦都過咗去，今年夠哂熱鬧啦~ 咁多人同你慶祝。」

「咁又係~」Winnie微笑地回應。

睇嚟Winnie中意過一個熱鬧嘅生日。

我地行到去屯門站，已經見倒佢地到齊喇，包括有阿Paul、晴睛、阿俊、Jenny、家怡、Chirsty、David同埋Zoe。

喺行去Party Room嘅途中，我同阿Paul、晴晴、阿俊同Jenny一齊行，而Winnie就同David同Zoe行，家怡同Chirsty就兩個人行。

「你準備成點？」晴晴問我，佢手上拎住一袋嘢。

「放心啦，我好有信心。」我回應。

「你係得先好呀，Joseph哥！」阿Paul回應。





「你地講緊咩呀，我聽唔明嘅？」阿俊好奇地問。

「係囉。」Jenny搭嘴。

「你地一陣就知啦，哈哈。」我回應。

「咁神秘㗎....」阿俊回應。

「總之你加油啦。」晴晴同我講。

「得啦。」我點頭回應。

眨吓眼我地已經到咗Party Room樓下。搭Lift上去之後，見倒個地方都幾大，有好多遊戲可以玩。





阿俊、Jenny、家怡同Chirsty就先打牌，而阿Paul同晴晴就BBQ，順便會燒埋啲嘢食比我地。

而我同Winnie、David同Zoe唱住K先。

現場嘅氣氛好熱鬧，Winnie似乎都覺得好開心。







要準備豁出去了。