《毒L和初戀相識的日子》: 第五十章 大富翁

第五十章 大富翁

我內心掙扎咗好耐，決定鼓氣勇氣同Winnie講以下嘅嘢:

「妳想有嘅話，身邊都有一個stand by緊啦。」

始終我講嘢唔中意咁直接。

「唔知你講咩喎。」Winnie語氣輕挑地回應。





就係咁，呢個話題就輕輕帶過。

距離同Zoe食飯仲有好多時間，而我同Winnie喺屋企都唔知有咩搞，於是Winnie就提議搵啲嘢玩。

「你有冇一啲棋呀、啤牌呀玩吓？」Winnie問我。

「好似有啤牌、象棋、黑白棋，仲有盒迷你版大富翁。」我回應。

「咁不如玩大富翁？」Winnie問。





「好呀，但係兩個人玩會唔會悶㗎？」我問。

「點會吖，輸咗戈個有懲罰㗎。」Winnie用一個奸笑嘅表情望住我。

「罸咩先？」

「赢咗戈個問對方一個問題，唔準唔答。」Winnie回應。

「好呀，驚妳咩。」





我拎咗盒迷你版嘅大富翁出嚟，就開始玩喇。

由於係迷你版，所以啲字好細，同埋錢就得三款，分別係一、十同埋二十。

一開始我比咗Winnie擲骰先。經過一大輪「買地」、「收租」、「交租」、「搶地」、「罸錢」、「入獄」同「出獄」之後，終於有人破產喇。

「你輸咗喇，哈哈。」Winnie好興奮咁同我講。

「唉，真係唔好彩。」我回應。

「輸咗就要罸喇。」Winnie笑笑口咁講。

「好啦，妳問我一個問題啦。」我無奈地回應。

「哼哼。」





唔知Winnie會問我咩呢。

「我嘅問題係一條情景題。假設你有一個好中意嘅女仔，而個女仔都中意你嘅，不過個女仔好快就要跟屋企人去移民，咁你會有啲咩行動呢？」Winnie問。

「我諗諗先。」我回應。

「呢條問題係我早排睇一套韓劇嘅對白嚟㗎，應該唔會發生喺你度嘅，不過我想知你會點答。」Winnie補充。

究竟我應該點答呢......












我以為佢會問一啲關於我，佢唔知嘅嘢添。