《毒L和初戀相識的日子》: 第十章 形象

第十章 形象

今日照舊都係早咗少少去到巴士站等Winnie。雖然只係番咗幾日I大，不過自己已經有少少改變，就係開始注意自己嘅儀容。

毒L就係好少會打扮，喺番咗I大之後就改善咗呢樣嘢，會Gel頭、襯衫、照鏡同經常剃鬚。

「男班長，好準時喎。」Winnie又喺背後拍我膊頭同我講。

「約得妳又點會遲吖。」





「好型喎，你個頭。」

「哈哈。」

「有車喇。」

45分鐘車程，Winnie聽住歌，而我就望窗外嘅風景，沉思緊一啲嘢。

今日係第五日番I大，過埋今日就有兩日假期了。





番到I大，踏入課室。

「兩個鬼馬喇，又一齊番。」Paul對我地講。

「咁男女班長一齊番，都好正常嘅~」晴晴和應。

「今日係咪英文堂？」Winnie嘗試轉話題。

「係呀。」我回應。





「唔知教D咩呢？」

「關於Speaking。」晴晴回應。

死喇，我完全唔識講嘅，DSE 英文speaking 得1...

「咁好簡單姐。」

對於講嘢叻嘅Winnie就緊係。

兩點正，有個年紀比較大嘅Miss入咗嚟，好有一種killer feel.

「Good afternoon class, I am Miss Lee, my contact number and email is in the blackboard, you can mark it down if you want.」

「Today please form in a group of 3 to practice for some speaking exercise.」





「要分組練speaking喎。」Winnie同我講。

「要搵多一個人。」

「嗯。」

「不如戈個女仔？」Winnie問。

「好。」

結果，晴晴，Paul，同一個叫阿添嘅男仔一組。

而家怡，Jenny, 同阿俊一組。





至於我，就同Winnie，同一個叫Chirsty嘅女仔一組。

Chirsty係一種好有氣質嘅女仔，成身名牌，香水味亦都好刺鼻。

「Hello, 我叫Chirsty。」

「Hi, 我係Winnie。」

「我叫Joseph。」

英文一向麻麻嘅我，喺練習嘅時候表現一般。

「ok. This is the end of today lesson, see you all next friday.」

「一齊走？」我問Winnie。





「好阿。」

我地一齊離開I大，行去巴士站。

「頭先你d英文唔係好得喎，遲啲洗唔洗我幫你惡補吓呀，男班長？」

「好。多謝妳先。」

「係呢，你放假有乜搞？」

毒L放假，都唔會有特別嘢搞喇。

「都係打吓機，跑吓步。」





「係喎，全人戈日你寫中意跑步。去開邊度跑？」

「去開屯門河則邊條單車徑跑步囉。咁你有咩搞？」

反問係延長話題嘅方法之一。

「星期六要去幫人補習，星期日就family day。」

「補習？」

「係阿，幫一個小學生。當賺吓錢啦。」

上咗車，番到屯門之後，我地就行咗入商場入面分開。

「我行呢邊呀。星期一見啦，男班長。」

「嗯，掰掰。」

「掰掰。」

番咗I大一星期，比想像中開心。

一個人嘅形象唔只係外表，內銜都好重要。







我的形象已漸漸在妳心裏建立。