《毒L和初戀相識的日子》: 第九章 耐性

第九章 耐性

「多謝你呀, 我都好耐冇食pizza。」 Winnie番埋位之後同我講。

「洗乜客氣吖，我地咁熟。」

「我地仲未算好熟喎，男班長。」

「吓，咁都唔算？」





「比d耐性啦，男班長。」

放學之後，Winnie約咗中學朋友喺I大附近食飯，所以我就同阿Paul同晴晴一齊走。

「Joseph哥，你搞成點？」Paul問。

「識咗三日，就話中意，隨時變陌生人喎。」我回應。

有時毒L諗嘅嘢都幾有道理。





「咪係，相處耐D先啦。」晴晴話。

「咁又係，我地都識咗兩個半月先一齊。」Paul回應。

「但係我有冇咩可以做住先？」

「你可以比啲小驚喜佢」晴晴回應。

「例如呢？」





「Joseph哥，有啲野要自己諗，自己做先有誠意㗎。」

「好啦，等我諗諗佢先。」

第四日番學，Winnie話走堂，仲叫我幫佢拎notes。

「Hey Joseph, Where 你女神?」家怡問。

「佢走堂呀。」我回應。

「等等先，佢唔係我女神，ok?」我補充。

「Wow, 係人都知你地好close, 唔洗唔認喇。」

「咪係。」阿俊回應。





「我地同你地唔係咁熟，都睇得出啦。」Jenny回應。

放學之後，到夜晚。

Winnie傳來三則信息
「男班長，聽日兩點堂，一齊番？」(21:45)
「我屋企食埋嘢先出嚟。」(21:46)
「又掛住打機唔理人@@」(21:56)

我見倒信息，二話不說即刻打比Winnie。

心有啲緊張，話哂第一次主動打比女仔。

「喂，男班長，打完機喇！」




「係呀，sorry...」
「成日掛住打機！」
「sorry呀，聽日我地十二點半市中心巴士站等，好唔好？」
「可以呀。」
「係呢，妳今日做咩走堂嘅？」
「屋企有啲事，遲D先同你講，會有排講。咁今日有冇notes?」
「有呀，幫妳拎咗。」
「好乖喎，男班長。」
「哈哈，見係妳昨。」
「算你啦，咁早抖喇，我瞓覺喇。」
「好啦，聽日見。」
「掰掰。」
「掰掰。」

事後我都唔知自己點解可以咁大膽打比佢，明明自己係一個毒L。












凡事都要有耐性，欲速則不達。