[愛情走糖故]兩個人心底中不為人知嘅秘密,成為兩個人間嘅牽引: 153.何止三個秋天了？

喺回家嘅路上，夏學謙同夏巧莘都冇咩點講嘢，大概係夏學謙唔太想講嘢，而夏巧莘知道夏學謙心情應該唔太好，所以都一直冇出聲

「細佬，呢件事你打算點？叔叔好似真係好慘咁…」夏巧莘小心翼翼咁問道，要避重就輕

「可憐人必有可恨之處。」夏季謙講呢句說話嘅時候，夏巧莘有啲愕然

喺夏巧莘心中嘅夏學謙，看似冷酷，其實心地好善良，係個外冷內熱嘅人

相處咗咁多年，就算夏學謙真係變咗都好，但對佢都至少有5分了解





平日夏學謙就算再嬲都好，佢都唔會咁講嘢，但今日佢對沈偉晉講嘅嘢喺外人聽起嚟真係格外冷漠

「我曾經以為我會好討厭我親生媽媽，但當我聽媽媽講咗成件事之後，我發現我並唔討厭佢，而且好明白佢唔係想要掉低我，佢係有苦衷…」夏學謙心平氣和地講道，雙眼望住前方，眼神都柔和起嚟，「我本來以為我對親生老豆都可以咁，但原來唔得…因為佢諗都冇諗過就走咗…我冇辦法接受咁樣…」

夏學謙嘅心中始終無法做到輕易原諒沈偉晉

「而且…」夏學謙再次開口時，望向夏巧莘，罕有地笑起嚟，「陪我成長嘅，唔係呢個家咩？」

夏巧莘聽到夏學謙咁講嘅時候，自然地跟住露出笑容





「嗯…」夏巧莘微微低頭，「我地係一家人呀嘛…」

「爸爸媽媽同你，先係陪我成長嘅人。」夏學謙講道

喺夏學謙心裏，呢個家冇嘢可以取代

「所以家姐你幸福就好…」夏學謙耷低頭，望住手上拎住嘅水樽柔聲道

夏巧莘有啲愕然，但都笑了笑





「你地喺我身邊就最幸福。」夏巧莘微笑道

「凌御生喺你身邊，你咪最幸福囉～」夏學謙笑言，「唔好以為我唔知啦！」

「你同媽媽喺我身邊我都幸福！」夏巧莘無奈地講道，「你以後都會搵到個好女仔。」

「搵到嘅話，暫時未有。」夏學謙無奈地笑了笑，搖搖頭

「你樣樣都咁出色，唔少女仔中意你啦～是旦揀一個囉～」夏巧莘開玩笑講道

「我條件唔差㗎，梗係要細心揀。」夏學謙望向夏巧莘，「但暫時未有睇得上眼嘅，而且做我女朋友要接受到佢有個姐控男朋友。」

夏學謙自己都拎自己嚟開玩笑，夏巧莘聽到之後覺得既好笑又無奈

夏巧莘突然之間諗起凌御生，佢要接受佢女朋友有一個姐控細佬，不過凌御生一直都對自己好有信心，所以完全沒在怕





一番到屋企之後，夏巧莘就去咗沖涼，沖完涼出嚟一拎起手機就見到凌御生send咗訊息過嚟

Aaron BB：做緊咩呀？

夏巧莘一見到係凌御生搵佢，即刻就甜笑起嚟

「冇呀～同細佬去完醫院探媽媽，啱啱番到屋企」

「咁你做緊咩呀？」

Aaron BB：灘喺床上面耍廢

其實凌御生啱啱獨自一人練緊結他，但咁啱又掛住夏巧莘所以whatsapp搵佢，所以將結他放埋咗一邊





Aaron BB：今日見唔到你…不如今晚出嚟見～海傍公園

夏巧莘見到凌御生傳嚟嘅訊息時瞬間甜甜地笑起嚟，幸福嘅感覺都環從佢嘅笑容中溢出嚟

「好呀～」夏巧莘回覆道，「9半？」

Aaron BB：okay~

夏巧莘一諗到今日都可以見到凌御生就覺得好幸福，熱戀中嘅情侶就係分分秒秒都想要見面，想膩在一起

食完晚飯之後夏巧莘就急不及待咁出門口去見佢嘅心上人

一日不見如隔三秋？佢兩個更似半日不見如隔三秋

夏巧莘小跑到海傍公園，凌御生又真係會早到，夏巧莘到嘅時候已經見到凌御生坐咗喺度





凌御生見到夏巧莘跑向佢，頓時不自覺地勾唇笑起嚟，然後企起身打開雙臂

「嘩！」夏巧莘直接飛撲到凌御生懷中，找回令佢覺得安心嘅熟悉氣味，「掛住你喲～」

夏巧莘撲到凌御生懷中後嘅第一件事係撒嬌

「一嚟就嗲我啦？」凌御生攬住夏巧莘，溫柔地摸了摸夏巧莘嘅頭髮




IG Link: https://www.instagram.com/nd_cotttoncandy/?hl=zh-tw

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link