[愛情走糖故]兩個人心底中不為人知嘅秘密,成為兩個人間嘅牽引: 139.香煙

凌御生同夏巧莘對上視線，凌御生微微耷低頭苦笑
「同自己所愛對上視線，都係幸福嘅事…」凌御生喺心中默默安慰自己，然後就默默走向車子
夏巧莘企喺窗前見到一切，淚決堤似的無法停下
一切嘅承諾彷彿就喺今日割斷，夏巧莘心痛得快要窒息似的，腿軟跌坐喺窗前失聲痛哭，窗簾順着夏巧莘嘅手滑落再次閂上
凌御生駕着車，眼尾瞄咗左手手腕一下，手腕上戴住夏巧莘送嘅DW手錶
腦海中閃過夏巧莘嘅模樣，一分心，凌御生就突然不協調咁踩落剎車㩒急停，凌御生成個人向前衝再向後撞上椅背，好彩有安全帶，如果唔係可能就要受傷
明明唔係失戀，但感覺比失戀更難受…
凌御生雙手仍然捉住軚盤，視線眾焦喺手錶上
手錶係夏巧莘所送，當日夏巧莘送出呢隻手錶時望住凌御生嘅羞澀表情，刻咗喺凌御生嘅腦海中
呢隻手錶中包含嘅，係夏巧莘對佢嘅心意，但宜家望住呢隻錶，心中除咗有一份甜蜜，仲多咗一份內疚感




凌御生心中就係冇辦法平靜落嚟，但都要番屋企，所以唯有繼續開車番屋企
一番到屋企，凌御生又攰又難受咁行番入房，一坐低喺床邊就直接向後灘
「唉…」凌御生嘆氣嘅同時將手錶從手腕上除落嚟
凌御生將手錶放到自己眼前，腦海中又諗起夏巧莘
天意弄人，你愈想一齊，佢愈唔比你一齊，好比古代嘅「世仇之家，兒女不得相戀」
凌御生一個翻身側住身子瞓喺床上，望到放喺床頭櫃上嘅Chip
去迪士尼當日嘅回憶又出晒嚟，嗰一日係第一次以「男朋友」嘅名義拖住佢理想中嘅「女朋友」挽咗一日
回憶之所以美好，因為回不去
宜家兩人之間到底應該點樣先好？夏巧莘唔知，凌御生亦唔知
「其實係我錯…」凌御生望住坐喺枱頭嘅Chip講道，呢一刻嘅Chip正安靜咁聽着凌御生訴苦，「我如果係真係要保護佢，我就應該離佢離啲…但係宜家嚟到呢一步，我唔可以否認，對佢嘅感覺早就無法自拔啦…」




凌御生雙眼有啲迷離，視線移到天花板，後腦勺貼住張床
「不能自拔又點，我可以點…我中意佢又點，佢都中意我又點…？一齊會幸福咩？」凌御生自言自語道
「人人都話，同自己最愛嘅人一齊會覺得幸福…但係點樣先係幸福…？」
呢句說話出自夏巧莘，就算到宜家都好，夏巧莘仍然覺得同凌御生一齊好幸福，因為只有凌御生先可以比到夏巧莘幸福嘅感覺
「你宜家會唔會同之前一樣，同我一齊嗰陣覺得有安全感？」凌御生合起雙眼，喃喃自語道
夏巧莘曾經講過，喺凌御生身邊會莫名有安全感
由一開始，凌御生就唔敢輕言講會比安全感夏巧莘，因為佢知道，要比安全感一個女仔並唔係淨係要對佢好，要加上實際行動先可以
凌御生自知，自己未必可以保證自己安全，縱使會盡他所能保夏巧莘安全，但如果自己都唔安全，夏巧莘又點會安心喺佢身邊？
凌御生一下子踢腿坐起身，經過客廳行到露台
喺露台嘅枱上面放咗一包煙，凌御生拎起煙盒，從中拎出一支煙，順手拎起放喺煙灰缸隔離嘅火機將香煙點燃，放入口中吸咗一啖，隨即吐出白色煙圈




凌御生將香煙用食指同中指嘅第一節夾住，轉身將落地玻璃趟門閂上
對上一次食煙，已經係一段時間之前嘅事…

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link