[愛情走糖故]兩個人心底中不為人知嘅秘密,成為兩個人間嘅牽引: 138.第一次

「由我知道你嘅背景，知道你中意我嗰一刻開始，我就冇諗過要後退！」夏巧莘幾乎喺嗌出嚟咁講，「我想用行動去話你知，我可以企喺你身邊同你一齊，就算結果係點我都唔會後悔！但你就猶疑啦，點解你就唔可以自信啲呀？」
「因為我唔想失去你呀明唔明呀！」凌御生直接上前捉住夏巧莘嘅雙肩，「你係我嘅世界嘅支柱，我唔可以冇咗你…」
凌御生嘅手輕放喺夏巧莘嘅臉頰上，額頭貼住夏巧莘嘅額頭
微風吹過，樹葉沙沙作響，夏巧莘眼都唔眨望住凌御生
「原諒我，得唔得？」凌御生柔聲問道
夏巧莘始終冇回答，並且後退咗一步
「生，其實我地唔應該有開始…」夏巧莘嘅淚珠不斷滑過臉頰，不斷搖頭
心疼極了，撕裂一樣痛，但彷彿一切開始都係錯誤一樣
「我地冇可能一齊㗎係咪呀？係咪呀…」夏巧莘哭成淚人兒，凌御生更心疼
「唔係，唔係，係我唔啱…」凌御生微微搖頭，柔聲安慰夏巧莘，「對唔住，再比啲時間我好唔好？對唔住。」




「係天意係咪…」夏巧莘抽泣着，心中盡是不捨，佢有幾中意凌御生，佢個心就有幾痛，「個天、個天都唔想我地一齊係、係咪呀？」
「唔係…唔係，係我唔好咋！」凌御生雙手捧着夏巧莘嘅臉頰，「令你傷心難過。我講過話唔會要你難過，但宜家係我令你最傷心，對唔住，原諒我，係我唔好。」
凌御生捧住夏巧莘臉頰嘅雙手，手背上有淚水滑過嘅痕跡
「係我唔好，係我錯啦，唔好喊啦～」凌御生將夏巧莘捧喺手心氹着，「我…比多少少時間我好唔好？我保證我會比個答覆你，好唔好？」
夏巧莘踮起腳尖直接吻上凌御生嘅唇，凌御生感覺到有一點苦同咸嘅味道，大概係因為夏巧莘傷心欲絕嘅眼淚
「點解你要推開我？明明我一直都冇離開你嘅打算…」夏巧莘嘅聲線顯得佢格外柔弱，令凌御生嘅保護欲更強，「點解…？」
沒等凌御生嘅答覆，夏巧莘就輕輕推開凌御生，向後行咗兩步
「夏巧莘…」凌御生想伸手去將夏巧莘留住，但夏巧莘卻搖搖頭，然後轉身行番去
凌御生冇得到夏巧莘嘅回覆，夏巧莘就轉身離開
凌御生就算宜家再後悔，夏巧莘都好似彷彿都要心累心碎




夏巧莘上到16樓出升降機，若無其事咁打開家門入屋，夏學謙見夏巧莘番嚟，即刻就行到門前迎接
「家姐…」夏學謙唔敢真係問出口，只好叫夏巧莘一聲
「冇事。」夏巧莘微微笑，「我有啲攰，我番房瞓先啦～」
夏巧莘講完就向住自己嘅睡房行去
一閂上房門嘅一刻，夏巧莘頓時背靠住門，順住門下滑跌坐喺地上，將頭埋喺雙腿間偷偷啜泣
有幾中意凌御生，夏巧莘就有幾傷心，夏巧莘坐喺地上失聲痛哭
腦海中浮現出一幕又一幕同凌御生之間嘅回憶，一段又一段嘅片段喺腦海中慢慢飛過
兩個人第一次講嘢…夏巧莘第一次喺心中嫌棄凌御生搭住佢嘅博頭行…第一次相視而笑…第一次擁抱同親吻…每一個「第一次」都係因為凌御生而出現
凌御生當日對夏巧莘嘅承諾言猶在耳，講過絕不離開，一定會保護佢到最後、喺佢身邊到最後…
夏巧莘忽然慢慢企起身行到去窗邊，伸手輕輕撥開窗簾往街上望




只見凌御生慢慢行向自己嘅車，差唔多行到車前時，回首抬頭一望
凌御生企喺離車不遠嘅地方回頭望向高處，見到將窗簾撥開，正企喺窗前嘅夏巧莘

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link