[愛情走糖故]兩個人心底中不為人知嘅秘密,成為兩個人間嘅牽引: 122.她身上有她的影子

夏巧莘坐喺凌御生隔離，挽着凌御生嘅手臂，將頭靠喺凌御生嘅博頭上
夏學謙同鍾家豪見到都冇出聲，只好扮睇唔到，夏學謙望出窗外，鍾家豪專心揸車
「攰就瞓陣啦。」凌御生對夏巧莘道
「唔攰。」夏巧莘輕輕搖頭
夏巧莘微微抬起頭望住凌御生，心中就覺得甜絲絲的，縱使凌御生咩都冇講，只係靜靜地望住前方，輕輕拖住夏巧莘嘅手
夏巧莘稍稍用力，指尖貼住喺凌御生嘅手背上，凌御生手心嘅溫暖傳到夏巧莘嘅心手，夏巧莘心中覺得好安心，滿滿嘅安全感
光線由外面照入嚟，打喺凌御生嘅臉上，喺夏巧莘眼中，就算冇光線嘅照射，凌御生喺佢眼中仍然如此耀眼，如此獨一無二
凌御生微微低頭望向夏巧莘，溫柔嘅視線剛好同夏巧莘嘅視線對上，凌御生微微一笑，心疼地伸手輕撫着佢嘅臉頰，夏巧莘喺凌御生嘅博頭上蹭了蹭
「可以遇到你真係好…」夏巧莘低頭輕閉雙眼，微笑着說，然後又再次抬頭望向凌御生
當兩人嘅視線一有交集嘅時候，心臟就會自然地加速跳動嘅速度


聽到夏巧莘嘅話嘅凌御生有啲愕然，但自然地露出微笑
「嗯，遇到你真好…」凌御生微微一笑，眼神中嘅寵溺多到要滿溢出嚟
夏巧莘甜甜一笑，心中甜絲絲的，乖乖地靠喺凌御生嘅博頭上
另一邊廂，啱啱番到社團嘅數人，手下包圍住阿年企，行喺佢四邊，避難佢想逃走
阿年根本就冇逃跑嘅意思，亦覺得逃跑冇意義
上到去社團嘅時候，凌天傲吩咐手下將阿年帶去自己嘅辦公室
阿年行入去，坐喺辦公室中央嘅梳化上
「點呀？要家法伺候定係要報警拉我呀？」阿年好似已經預咗一切嘅後果一樣，不在意咁笑咗一笑，「番入去坐都幾好呀～」
凌天傲坐喺阿年對面嘅梳化上，點咗一枝煙，默默抽咗一口
「以前我答應咗你好好照顧佢，所以晴晴嘅死，的確係我嘅錯。」凌天傲望住放喺茶几上嘅煙灰缸道


阿年沉默不語，喺佢嘅眼神中仍然有着對晴晴嘅留戀同不捨
「你唔洗旨意番入去坐，我唔會再幫你照顧你媽。」凌天傲定睛望向阿年，將支煙放到煙灰缸中，香煙嘅火慢慢地熄滅了，「由阿生決定你嘅命運。」
阿年冇出聲，腦海中諗起夏巧莘一副堅定不移嘅模樣，深信着凌御生會嚟救佢，語氣冇半點猶疑，彷彿喺佢面前只見到兩個選項：「佢會嚟救我」同「佢一定會嚟救我」
阿年不禁一笑，呢種堅定，佢好似以前喺另一個人身上都見過
對對方嘅完全信任，冇懷疑過對方對自己嘅愛有多少
「你番去啦。」凌天傲冷聲講道
阿年插住褲袋緩緩企起身，咩都冇講就行到去辦公室嘅門口，阿年嘅手放喺手柄上面，但喺拉門出去之前，佢只係開口講咗一句說話
「嗰個女仔同晴晴好似，佢對愛人嗰種信任同堅決…」阿年講完呢句之後靜咗兩秒，然後就拉開門離開
凌天傲聽到阿年咁講嘅時候怔了一怔，但好快又笑咗一笑
爸爸媽媽係仔女最親近嘅異性，將來所選擇嘅伴侶都會同爸爸媽媽有啲相似


例如女仔揀嘅另一半，多數都會同爸爸好相近；而男仔揀嘅另一半，多數都會同媽媽相近。當然有兄弟姊妹就又係另一種計法
夏巧莘同晴晴有幾似，只有凌御生知道

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link