[愛情走糖故]兩個人心底中不為人知嘅秘密,成為兩個人間嘅牽引: 81.受襲

凌天傲行到去露台，閂上露台嘅玻璃門，點起一根煙，放鬆一下心情
腦海中仍然諗緊啱啱發生嘅事，到底係邊個咁大仇，非要置佢於死地？
呢件事，凌天傲已經吩咐咗阿津去查，希望可以查到啲咩…
…
翌日放學嘅時候，凌御生同夏巧莘碰巧喺樓梯遇上，一齊踏出校門
「你睇你呀，眼瞓到就嚟合埋眼都行到路啦！」凌御生望住夏巧莘笑道
「咩呀…今日操Paper操咗成日，好攰呀…」夏巧莘講道，「由第一堂去到最後嗰堂都係測驗同做Paper。」
夏巧莘已經攰到頂唔順就嚟，今朝番學嘅時候已經喺巴士度瞓咗一陣
「洗唔洗送你番屋企呀？」凌御生笑了一笑問道
「唔洗…」夏巧莘搖搖頭




兩個人上咗巴士，一上巴士一坐低，夏巧莘即刻就合埋眼小睡，凌御生只好耷低頭睇手機，同埋借出博頭比夏巧莘
落車嘅時候凌御生行喺前面護住夏巧莘，怕佢一個唔小心就跌倒了
「仲眼瞓咩？」凌御生扶住夏巧莘喺車上落嚟
「嗯，小小…」夏巧莘點點頭，「點解你同我同一個站落車嘅？」
「一直都係同你同一個站落車。」凌御生無奈講道
「係喎…」夏巧莘自己都笑咗一笑
正當兩個人開心說笑嘅時候，佢地並唔知道喺後面有人跟住佢地，全部人嘅衫入面都收埋咗刀
「目標係嗰個男仔。」一個頭目細聲道，然後用手指示手下出擊
凌御生聽到後方忽然傳來急速嘅腳步聲，諗起琴晚老豆被襲擊，瞬間就擰轉頭望
後面有大概10個手持着刀跑向二人，夏巧莘見凌御生往後望，佢都自然咁跟住凌御生向後望去




凌御生心知不妙，頓時捉住夏巧莘嘅手想跑，但係10個人之中嘅5人比凌御生更快跑到凌御生前面
「突然做咩事呀…？」夏巧莘嘅心因為驚恐而加速跳動，佢往凌御生行近一步，凌御生將夏巧莘護喺身後，夏巧莘捉住凌御生嘅書包繩
凌御生搵緊機會跑出去，前面5人突然間出手突襲，刀鋒落喺凌御生嘅手臂上割咗一刀，手臂頓時滲血
凌御生都唔係完全唔打得，佢用力一腳將其中一個人踢到撞上後面嘅欄桿
企右邊嘅人都唔執輸，出手就打落小腹上同臉頰骨上，刀往凌御生嘅腰𠝹去
企喺凌御生身後嘅夏巧莘比眼前嘅境象嚇壞了，嚇到愣住了，快要嚇哭了
凌御生都唔擋得好多個，唔敢鬆開夏巧莘嘅手
「你捉實我。」凌御生講完之後就鬆咗手，夏巧莘躲喺凌御生身後
凌御生直接就開打，忍住滲緊血嘅傷口嘅痛楚，出手還擊，往對方嘅臉，小腹打，往小腿同大腿間跌
但咁多人對自己一個，情況根本係不利中嘅不利，而且佢要顧及身後嘅夏巧莘




其中一個刀手突然去到凌御生面前，凌御生來不及閃避
正當刀鋒快要刺中凌御生時，刀手突然被一下子從旁踢飛
「阿津！」凌御生見到援軍嚟到，係阿津同幾個手下
「你快啲走先！呢度有我。」阿津講道
「嗯！」凌御生點點頭拉住夏巧莘就跑起嚟
凌御生直接拉住夏巧莘跑到去屋企樓下，好快咁喺後門入咗大廈上到21樓C室門口
受咗傷，跑都跑到冇力，凌御生一出升降機嗰刻直接就雙腳冇力跪低咗
「喂！你點呀？」夏巧莘頓時扶住佢
「入去先…」凌御生喘晒氣，將鎖匙遞比夏巧莘，然後捂住腰間嘅傷口
夏巧莘閂上門，將凌御生扶到梳化坐低，望住凌御生手上嘅傷口同被血染到一塊一塊紅色嘅校服，心頓時揪着痛

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link