[愛情走糖故]兩個人心底中不為人知嘅秘密,成為兩個人間嘅牽引: 59.霸道宣言

飲完一罐又再開一罐新嘅，茶几上嘅啤酒已經全部變成空罐
夏巧莘已經飲到臉頰都紅紅的，醉嘅程度係剛才嘅一倍；凌御生都開始有輕微嘅醉意，但仍然清醒嘅
「喂夏巧莘…」凌御生伸手拍已經灘低咗喺梳化上面嘅夏巧莘
「嗯…」夏巧莘好似清醒但又唔太清醒咁微微睜開眼
「去瞓啦去瞓啦…有啲醉醉地啦…」凌御生企起身，拉起夏巧莘然後抱起佢行入房
凌御生再次行出廳閂上廳燈，然後行番入房，見到夏巧莘坐咗喺地下伏喺床邊
「換咗佢先瞓啦…」凌御生喺衣櫃入面求其拎咗件T-shirt比夏巧莘，然後幫佢除咗個袋勾喺衣帽架上
夏巧莘迷迷糊糊咁行去換咗件衫，然後淨係著住件T-shirt行番入嚟，冇著到褲
白滑而且脂肪均勻嘅雙腿好似兩枝棍一樣，喺有啲oversize嘅T-shirt下，一雙長腿顯得更誘人
「fu*k…」凌御生瞬間移開視線，身體啱啱先平伏咗一陣，但卻因為夏巧莘嘅衣著瞬間又有反應




「凌御生…！」手上拎住自己嘅衫同短褲嘅夏巧莘跺了一腳
凌御生行到佢面前拎走咗衫褲，然後勾咗喺衣帽架上面，夏巧莘一個轉身就攬住凌御生
「凌御生～凌御生…」夏巧莘用撒嬌嘅聲線嗌道
「做咩呀？」凌御生咬緊牙關，保持住佢嘅理智線唔好斷裂
「嘻嘻…」夏巧莘伸手掐住凌御生嘅臉頰，「我今晚獨佔你成個人…我夏巧莘要獨佔埋你個心…！」
「已經獨佔咗啦…」凌御生輕輕推開夏巧莘嘅手，然後將手輕輕放喺佢嘅臉頰上，一臉寵溺，用着溫柔嘅語氣講道：「我個心入面只有你一個咋…」
夏巧莘聽到之後微微揚起嘴角，然後偷偷踮起腳尖，喺凌御生嘅唇上試探般落下一個吻，好似蜻蜓點水一樣
連續幾個試探式嘅吻之後，凌御生抵受唔住誘惑，直接就用力將夏巧莘緊緊攬實，然後狠狠地吻喺夏巧莘嘅唇上
夏巧莘嘅身子好似快要冇力一樣靠喺凌御生嘅身上，凌御生個人都開始冇力，一步一步向後退，腳跟碰到床邊，然後向後跌坐，夏巧莘壓喺凌御生嘅身上，將凌御生壓喺床上
激烈嘅舌吻過後，房間內除咗有冷氣機嘅聲音之外，就只有兩人嘅喘氣聲




「你個心只可以有我一個…因為我只為你心動，心中亦只有你…」夏巧莘仍然壓喺凌御生嘅身上，好似發開口夢咁講道
「嗯…」凌御生嗯咗一聲，然後抱起夏巧莘，掀開被子將夏巧莘放喺床上蓋好被
正當凌御生要縮手嘅時候，夏巧莘捉住咗佢嘅手腕
「我唔係要走呀…」凌御生伸手摸摸夏巧莘嘅頭，然後推開咗夏巧莘嘅手
凌御生行到床嘅另一邊上床，夏巧莘一直凝視住凌御生直至佢掀開被瞓低喺自已隔離
睡房內只開咗一盞燈黃光嘅床頭燈，燈光比較柔和
明明瞓嘅係雙人床，但係夏巧莘偏偏要痴住凌御生，躲到佢嘅懷裏瞓，兩個人就瞓咗喺雙人床嘅中央
凌御生一睡上床，夏巧莘就好自然咁痴過去，攬實凌御生，生怕佢會走咗去一樣
凌御生嘅手放喺夏巧莘嘅頸下，夏巧莘貼住喺凌御生嘅胸膛前瞓，伸手攬住凌御生嘅腰
凌御生嘅手輕輕搭喺夏巧莘嘅腰上，另一隻手則比夏巧莘壓住




凌御生望住夏巧莘嘅睡顏，心臟就跳得更快
長長嘅睫毛，一副傾城嘅外貌，乖乖咁瞓喺自己嘅懷中…
唔知道佢到底中意自己啲咩，點解會中意自己，竟然甘心只為自己一個人而動心
「到底你中意我啲咩呀…？」凌御生柔聲問道，輕撫佢嘅臉頰，然後喺心中偷偷訴說道：「如果問我中意你啲咩嘅話…或者係中意除低咗面具，喺我面前做番自己嘅你，睇到愈真嘅你，我就愈中意你…」
凌御生緊緊咁將夏巧莘攬喺自己嘅懷中，細聲講道：「你真係毒品嚟…」
凌御生冇辦法睇到自己望住夏巧莘嘅時候，目光有幾溫柔，有幾寵溺，但事實就係溫柔同寵溺到極至
當夏巧莘已經冇再郁嚟郁去，靜靜咁瞓着咗嘅時候，凌御生便慢慢起身閂上床頭燈，佢唔敢太大動作，因為怕整醒呢隻熟睡嘅小貓
凌御生輕輕拉一拉張被，幫夏巧莘蓋好被，都合起雙眼瞓
呢次係兩個人第一次一齊瞓…

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link