[愛情走糖故]兩個人心底中不為人知嘅秘密,成為兩個人間嘅牽引: 46.迪士尼約會

望住夏巧莘一臉興奮，凌御生笑咗一笑，然後回答道：「嗯，我都想快啲去好好挽番日～」
凌御生嘅心情都會因為夏巧莘而改變，見到佢唔開心，自己都會唔開心；但見到佢開心咁笑，自己都會不由自主咁笑起嚟
同夏巧莘熟咗之後，自己笑嘅次數好似愈嚟愈多
…
星期四，08：45
距離相約時間仲有1個鐘，但夏巧莘已經起咗身換緊衫
夏巧莘將白色T-shirt攝入褲中，再抽出小小，令感覺上好似鬆鬆地咁
「帶件外套會唔會好啲呢…」夏巧莘一邊喃喃自語，一邊行到衣櫃前將櫃門打開，「今日好似有啲涼…」
望咗一陣，沉思咗一陣之後…
「算啦～都係唔帶啦～」夏巧莘閂上衣櫃門，行到書枱前孭起掛咗喺木椅上嘅白色小布袋




夏巧莘拉開木櫈坐低，喺放化妝品嘅櫃上拎咗枝唇膏，一支係豆沙色嘅唇膏，一支係略紅嘅唇膏
「邊支好呢…」夏巧莘再次陷入苦惱之中，開始喃喃自語起嚟，「我今日呢個look…搽豆沙色好似襯啲…」
然後拎起豆沙色嘅唇膏搽到唇上，抿一抿唇，再照一照鏡子
「okay～」夏巧莘對住鏡子中嘅自己微微一笑，「咁樣就靚晒啦～」
另一邊廂，凌御生正喺房入面換緊衫，著起白色嘅T-shirt，再著起淺藍色嘅裇衫
「8點55…差唔多啦…」凌御生整番好個衣領，經過門口嘅時候順手拎起喺掛喺衣帽架上面嘅斜孭袋，一手拎住條帶然後套到左邊嘅博頭上
行到屋企嘅大門，凌御生再檢查一下自己有冇帶齊嘢
「銀包…鎖匙…電話…齊晒。」凌御生搵齊晒咁多樣嘢，確定自己帶齊嘢之後將個袋拉上拉鏈，將孭帶向下一拉，成個袋去咗背脊嗰個位
凌御生蹲下來著鞋，綁完左腳嘅鞋帶想換腳嗰陣突然停咗落嚟，然後除咗對鞋行入房
「差啲就唔記得咗…」凌御生打開衣櫃拎咗件薄外套，然後摺好塞咗入袋之後再次行出去著鞋




凌御生搞掂晒之後就拎埋電話出門口
「9點3，趕得切～」凌御生望一望手機，喺心中講道，然後閂上大門
夏巧莘坐喺梳化上面望住時針同分針等夠鐘，望住時間到咗9點50分，夏巧莘就著鞋出門口
一踏出門口就見到凌御生企咗喺外面當眼位置，夏巧莘小急步行過去
「早晨！」夏巧莘跑到凌御生面前，然後上下打量佢
「早晨，今日你好靚。」凌御生露出淡淡的微笑道
「我日日都咁靚～」夏巧莘雖然咁講，但心中仍然好開心，「行啦！」
兩個人行到去地鐵站，打算搭地鐵過去迪士尼
夏巧莘同凌御生兩人並肩而坐，喺對面玻璃窗中可以望到兩個人嘅倒影
「原來我地又真係幾似Couple…」夏巧莘喺心中喃喃自語，冇將呢句說話講出口




平日好少見到凌御生會刻意打扮，明明平時番學都係著住裇衫，但唔知點解今日覺得佢著裇衫格外好睇，比起平日又多咗幾分俊朗
「你睇你呀，仲未瞓醒咁樣…陣間點去挽呀？」凌御生望住仍然有少許睡意嘅夏巧莘
「少少啫～都okay，陣間就精神㗎啦！」夏巧莘甜甜一笑
但夏巧莘始終敵不過睡魔嘅引誘，眼皮不斷開合開合，最後都係合上眼小睡
凌御生嘅博頭突然一下子沉咗落去，夏巧莘本來一直點頭打盹，隨住車卡嘅搖動同行駛，夏巧莘慢慢側向一邊，然後就靠咗落凌御生嘅博頭上面
凌御生望咗夏巧莘一眼，溫柔咁笑起嚟，然後伸手將夏巧莘長長嘅髮絲翹到耳仔後，希望佢瞓得舒服啲
列車駛到中環，凌御生拍醒夏巧莘
夏巧莘睜開眼，跟住喺凌御生旁邊走
「陣間再恰下啦～咁先有精神去挽㗎嘛！」凌御生笑道
「嗯…」夏巧莘點點頭，佢都唔想打盹，但無奈地，琴晚因為太興奮，搞到好晏先瞓，今朝早又早起身，一時忍唔住就打盹

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link