[愛情走糖故]兩個人心底中不為人知嘅秘密,成為兩個人間嘅牽引: 38.貪戀

「你話…」夏巧莘伸手掃過凌御生嘅衣領，「我地係咩關係…？」
凌御生唔會踩中夏巧莘嘅甜蜜陷阱之中，輕輕一笑，平靜咁回答道
「我地嘅關係曖昧囉…」凌御生揚起嘴角，然後又反設咗個陷阱比夏巧莘，「但你唔想曖昧嘅話…唔通你想光明正大…？」
「我冇想要光明正大呀～」夏巧莘甜甜咁笑，但心中卻有點期待光明正大後嘅天地會變成點，「你想？」
「冇呀…」凌御生搖搖頭
兩個人再冇出聲，靜靜咁望住對方…夏巧莘微微踮起腳尖，再次吻向凌御生，心中有少許貪戀佢嘅氣味同吻…
凌御生微微耷低頭，配合着夏巧莘嘅熱吻，心中偷偷期望可以將呢個女仔據為己有，同所有人講佢係屬於佢…
兩人愈曖昧，想獨佔對方嘅欲望就愈強，但大家都唔肯先開口講自己對對方嘅感覺
「夏巧莘你中意我係咪？」凌御生同夏巧莘之間嘅距離近得可以感覺到對方嘅鼻息
「咁凌御生你係咪中意我？」夏巧莘冇直接回答，選擇咗反問




「你在意？」凌御生微微揚起嘴角，放輕咗聲線，「咁如果我話係，咁你會點？」
「唔知呢～」夏巧莘微微一笑，喺心中卻回答：「想同你一齊。」
凌御生笑着放開手，本來以為夏巧莘會回答同佢一齊又或者話對自己有好感，但可惜夏巧莘答咗一個無棱兩可嘅答案
夏巧莘心中嘅回答正正就係凌御生想聽到嘅回答，兩個人各自收起自己嘅心意，唔同任何人講，亦唔同對方表達
想窺探對方嘅心意同時又唔想講出自己嘅心意，唔想用自己嘅好感換對方嘅答案，心中始終怕只係自己一廂情願
正當夏巧莘再次踮起腳尖想再索吻時，放喺餐枱上嘅手機突然間響起
夏巧莘同凌御生頓時分開，夏巧莘行到餐枱前拎起電話
「喂細佬？做咩呀？」夏巧莘問道
「我啱啱番到屋企啦，主診醫生話媽媽嘅康復狀況唔錯，慢慢再調理一下，癌指數已經低咗，但要再留院多一段時間。」夏學謙講道
「太好啦…」夏巧莘聽到夏學謙啱啱講嘅時候，心臟都收縮咗一下，但宜家又放下咗心頭大石，「咁就好啦…希望媽媽快啲好番晒，番嚟同我地一齊啦～」




「嗯，收線先，我要做功課。」夏學謙平靜咁講道，然後掛斷電話
事實上啱啱仲喺醫院嗰陣，親耳聽住醫生講嘅時候，夏學謙嘅心中都係好緊張好擔心，但醫生講完之後，心中又鬆咗一口氣
夏巧莘輕輕拍心口，差啲仲以為有啲咩事，凌御生行到夏巧莘身後，雙手放喺旁邊將夏巧莘圍起嚟
「唔比我走？」夏巧莘轉身，輕輕一躍坐到餐枱上，雙手搭喺凌御生肩上，「唔捨得我呀？」
「邊個唔捨得邊個都未知…」凌御生輕輕一笑，「可能係你唔捨得我呢～」
「我唔會唔捨得你囉！」夏巧莘搖搖頭
「你唔好咁夜番去，陣間你細佬擔心。」凌御生講道
「佢預我今日番工但係。」夏巧莘側側頭
「所以呢？所以可以喺度留夜啲先番屋企？」凌御生跟住佢側頭，「定係想直接喺度瞓？」
「你就想呀！要校花同你一齊瞓，你諗太多啦～」夏巧莘笑一笑




「原來你想同我一齊瞓，仲想話我瞓地下你瞓床添～」凌御生笑道，「估唔到原來你係想同我一齊瞓…」
「冇囉…」夏巧莘嘟起嘴，下一秒凌御生一下子抱起咗夏巧莘，「喂！」
凌御生抱住夏巧莘行到梳化前，然後將夏巧莘拋到梳化上
凌御生坐低喺梳化上拎起電視遙控，夏巧莘坐好起嚟，雙手放咗喺大腿下壓住
夏巧莘望咗凌御生一眼，低頭咬咬唇
「不如我地真係試下一齊…」夏巧莘突然講道

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link