人要惡過車！: 第七十七章

話咁快又到咗一班朋友聚餐嘅日子，我哋上咗阿皓屋企。阿婷親自下廚，煮西餐比我哋食。

「做咩望落咁開心呀？」阿淇喺度問阿婷。

「佢尋日考到車牌嘛。」阿皓答。

「恭喜曬～」全部人祝賀阿婷。

「咁你應該係在坐第一個女性考到車牌喎。」阿威諗咗諗。





食完嘢，班女仔喺度玩Switch，我哋四個男仔喺度傾計。

「點呀，你洗唔洗買架車畀阿婷？」阿Ken問

「佢話唔洗喎，佢話佢屋企人會買比佢，叫我比啲意見佢就得。」

「M2囉。」阿威提議道。

「唔啦，新牌出架新車，仲要係M。」阿皓擰頭。





「E93 335i囉。」阿威再講。

「頂我本身有架M3，仲買架開蓬335i做乜。」

「116i啦咁，細細部。」我話。

「Ok喎。」

「講起呢，我都想換車喎。」阿Ken話。





「終於知架FD3唔夠做喇？」阿皓笑。

「唔係呀，但出街成日比人推，一唔覺意又入埋Block，有啲煩。」

「笑撚死，擺明班傻仔同狗以為你FD2嚟啦。」

「睇怕都係。」

「咁你想換咩？」阿威問。

「咁又未諗到喎。」

傾下傾下都好夜下，所以我同堯姐慢慢行返屋企。

「B呀。」





「唔？」

「考車會唔會好難㗎？」

嘿嘿嘿，唔通因為阿婷考到車牌，導咗堯姐去考車？

「要睇人㗎喎，我覺得唔難嘅。」

「咁你覺得我考唔考到呀？」堯姐翹著我住手，挨喺我膊頭問

「你咁叻女，一定Ok嘅。」

「咁不如我去試下考？」





「好呀，我會支持你㗎。」