人要惡過車！: 第七十四章

難得唔洗返學，但又早起咗身，咁就換件衫落街行下啦。

當每個人都趕緊去搭車返工返學嗰陣，我漫無目的咁喺街散步好似有啲奇怪，所以我都係買啲嘢返屋企食算。

「喂，堯姐？」

「喂，做咩呀？」

「我喺茶樓買嘢食，你食唔食？」





「蝦餃燒賣Thx。」

「Ok。」

當我買齊點心，行緊返屋企嗰陣，我比報紙檔其中一本雜誌吸引咗我，咁唔爭在買多本雜誌啦，橫掂頭先找錢找咗啲銀仔返嚟。

返到屋企，堯姐喺廚房拎住壺普洱茶行出嚟。

「時間啱啱好，沖好茶你就返到嚟。」





「阿爸阿媽呢？」

「佢哋返咗工啦。係喎，你拎住本咩嚟？」

「樓下買嘅雜誌喳嘛。」

喺同堯姐共進早餐嗰陣，我哋喺度傾計。

「係喎，嗲哋媽咪話佢地下個禮拜六會返嚟香港喎。」





「係呀，咁揸車去接佢地？」

「嘻，辛苦你啦～」

食完早餐，我坐喺度睇雜誌，而本雜誌係講改車嘅，咁啱嗰期係講改EK4，車主抬咗B20偈，仲換咗避震、鮑魚、電腦等等嘅補品。

雖然我就唔會重改部EK4，但睇下其他人點樣改車，自己都可以學下嘢，亦都有參考價值。

話說上次車Uncle Auntie都仲係揸Freed，睇嚟今次要問人借車嚕。

「喂，村民哥？」

「喂，阿僖你搵我有事？」

「村民哥我想問你借架Vellfire呀。」





「幾時要？」

「下星期六全日。」

「Ok呀，我星期五晚揸過嚟比你呀。」

「唔該曬。」

「就咁話啦，我做嘢先，下次傾。」

「好啦Bye。」