人要惡過車！: 第六十一章

接下來我自己揸返架車去阿嫲到泊低。

「孫仔返嚟啦？」

「係呀。」

「同嫲嫲出去買啲餸呀。」

我揸車同嫲嫲去元朗嘅街市，喺附近嘅停車場泊低架車。





喺行緊嘅途中，我比豬肉檔前面嘅一架車吸引咗。

豬肉檔前面泊咗架銀色全原裝嘅Supra(A80)。

豬肉檔有豬扒應該好正常啦，係咪咁講先。

「豬記，整廿蚊瘦肉嚟。」

「好嘅。」





「喂阿豬。」有人喺後面大叫。

「搞咩呀魚佬？」

「褪褪部車，我有車魚要落。」

「屌，隻手污穢喎。喂，孫仔你有冇車牌？」豬肉佬問我。

「有。」





「車匙喺度，幫幫手褪車。」豬肉佬指住門口架Supra。

堅喎，豬肉佬揸豬扒。

「哦。」我喺豬肉佬手上接過條車匙，行過去架車到。

上車之後着車，褪前半個車位，聽到引擎聲就知架車真係好新淨。

停好部車就熄匙落車，還返條匙比豬肉佬。

「喂，唔該曬，啲肉我收你十蚊得啦。」

同阿嫲行曬成個街市，就揸車返阿嫲到。返到去見到部Mugen RR泊咗喺門口，而阿爸又喺度搞佢啲電單車。

我無理佢，泊低架車就返入屋。行入去第一樣見到嘅堯姐係繼續同阿媽煲劇。





「返嚟啦。」

「嗯。」

⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

Sorry仲未有圖的説呢🙏🙏