人要惡過車！: 第五十二章

星期日，朝早就比人叫醒。

「做乜嘢呀，我想瞓覺呀。」

「返阿嫲到呀。」阿爸話。

「你睇吓阿女，幾快手。」阿媽話。

咁換好衫，落街攞車，本身都好地地。





一上元朗公路，阿爸又發癲亂衝。

「做乜撚呀？一大朝早又飛。」我口upup。

「咁洗唔洗跟埋去？」堯問。

「唔洗啦，一陣咪又係燈口見。」

如我所料，去到迴旋處咪又係要塞。





慢慢塞入閘，入到去泊低架車喺門口。

叮噹。

「嚟啦，全家嚟嘅今日。」

「媽。」爸話

「哩位係？孫新抱？」





心諗：吓？問號。

「嫲嫲我講吓笑啫。」

「我叫阿堯呀。」

「哦～堯呀，當自己屋企得㗎啦。」

入屋後，嫲、媽同堯喺度傾計。

「仔。」

「咩事？」

「過嚟車庫呀。」





「哦～」

細細個我都無乜點去車庫，通常留喺屋度，所以對入面無乜印象。

打開門，第一眼喺見返架EK。

「有無帶車匙呀？」

「有。」我喺褲袋掏出EK嘅車匙 。

即使我依家揸FD2，EK4嘅匙我都有帶喺身。

之後着咗車，出去兜咗幾個圈。





嗰種感覺真係唔同啲，係喺FD2搵唔到嘅感覺。

兜圈之後，停喺架FD2前面影張相，先泊返入去。

而車庫入面唔止泊咗我架車，仲有六架同款但唔同色嘅Honda電單車一字排開。

阿爸行咗入屋，拎咗六條車匙出嚟。

「你做咩有六架一樣嘅車？」

「唔一樣㗎。」

「唔同色喳嘛？」

「點止呀，哩架個CDI解碼過，大扭油，Showa避震⋯⋯」





「嗰架就Ohlins，蠍子喉⋯⋯」

「嗰幾架就全原裝。」

講真嘅，我係唔知佢講咩，求其應佢算。

我行埋去睇，見到個轉數錶，嘩咗出聲。

「嘩咩？」

「架架個錶都去到二萬嘅。」

「二萬轉好平常啫。」





之後阿爸幫曬咁多架車煲車，六架車一齊着，嘈過拆天。

我就襯機影咗張相，一次過影齊咁多架車。

我自己唔熟電單車啫，我有friend揸電單車㗎嘛。

我send咗張相比May哥，問佢咩車嚟。

「你㗎啲車？」May問。

「唔係呀，做咩？」

「架架都古董嚟喎。」

「係咩？」

「無睇錯應該MC22嚟，你自己上網搵吓啦。」

「ok」

我上google搵咗搵，原來90年代車嚟，計落成三十年車。

與此同時，阿爸遞咗個full face頭盔比我。