人要惡過車！: 第四十八章

第二日我十一點起身，出到廳見到阿爸。

「你唔洗返工咩？」

「今日唔返啦，順便幫你揸架車入阿嫲到。」

「哦，咁堯呢？」

「阿女係廚房。」





過咗陣，堯出返嚟廳，而我都刷好牙，換好衫。

「咁快手嘅今次？我都未換。」

「慢慢啦，唔洗急。」

又過多陣，堯都換好衫。

阿爸車咗我哋兩個去車房。





「落車啦，B」

「做咩呀？」

「無事㗎喎。」

我拎出FD2嘅車匙，㩒解鎖掣。

「吓，你買咗新車？」堯問我。





「唔係呀，佢買㗎。」我指住阿爸。

「阿女架車靚唔靚呀？」

「靚呀。」

「好啦，你兩個自己攪掂啦，我揸架車去阿嫲到。」

「上車啦。」我話。

「嗯。」

上到車，架車同EK完全唔同，着車啲聲都唔同。

我知自己講緊廢話，B16B同K20A嘅聲點會一樣。





咁起步都係要揚大少少油，你知低扭麻麻㗎啦，咁2000cc反應都唔會差得去邊嘅，避震硬度都可以接受。

以上係揸返學校嗰陣感覺到嘅嘢。

上堂繼續係hea住咁聽啦，幾粒鐘之後就放學。

放學同堯去完圖書館借幾本書，準備返屋企，然後就收到阿媽電話。

「喂，返嚟未？」

「就返，做咩？」

「今晚想食咩餸？」





「唔知喎。」

「阿女喺唔喺隔離？」

「喺呀。」

「咁你比佢聽啦。」

「搵你喎。」我遞個電話比堯。

「喂，Auntie？」

「⋯⋯」

「好呀，好呀。」





「⋯⋯」

「咁我捉埋佢去啦，哈哈。」堯喺度笑。

「⋯⋯」

「Bye bye。」

我從堯手中接過電話。

「阿媽搵你做咩？」我好奇咁問。

「Auntie問今晚食蟹好唔好。」





「咁之後點？」

「所以我哋依家去買蟹啦。」

「吓，邊到買㗎？」

「唔～三聖啦咁。」

「哦。」

「行啦，去攞車嚕。」堯好興奮。

我哋揸車返屯門，去到屯門公路轉車站前段上斜，後面有架RR跟住我，相信大家知係邊個，咁我都廢事煩，比佢行先，點知RR後面仲有架白色TRD MR2(SW20)，成件事即刻好玩好多，順便比我試新車。

上斜嗰陣架RR好明顯無出力，行80幾，上到頂嗰隻落住斜嘅右彎，無啦啦地板油衝住去，架MR2反應唔切比架RR拉開咗段距離。

我佩服MR2嘅毅力，明明係比RR放緊，都仲要追上去，咁我梗係唔執輸跟埋去。講真嗰句，架MR2上到一百鬆啲就無點加速，

我一路跟到去珠海學院對出，之後段上斜比多些少油，爬佢再放佢星星。

靠左上皇珠路，再喺屯門泳池直行，順便去油站入個油。

入完油揸過三聖，求其停埋一二邊，同堯落車行去買嘢。

咁個老細好好人，唔單止比我哋揀，仲平咗比我哋。

返到屋企，一開門阿媽等緊我哋。

「Auntie，啲蟹啊。」堯遞啲蟹比阿媽。

「叻女喎，又生猛，又無斷腳。」

「嘻嘻。」

堯同阿媽入廚房，我就行入廳，阿爸喺度睇電視。

「搞錯呀，揸咁慢㗎。」

「咩呀？」

「你唔係慢過架MR2呀？」

「神早爬咗佢啦。」

「咁架車好唔好揸？」

「ok呀。」

「咁ok啦。」

之後就食飯，認真講句，我麻麻地食蟹，所以都係佢哋食。

食完飯沖個涼，返房hea，睇咗陣片堯就返入嚟。

「係喎，唔見你去搵你阿爸阿媽嘅？」

「佢哋一早去咗旅行啦。」堯喺度笑。

「哦～」

「做咩呀？唔想我住喺度呀？」堯扁嘴。

「唔係呀，你想嘅話住一世都得。」

「真係嘅？」堯面紅。

「嗯。」

「好啦，瞓覺啦，早抖。」