人要惡過車！: 第十四章

我：「係喎，你唔洗打比屋企人話佢哋知你琴晚喺我度瞓咩？」
堯：「唔洗啦，佢哋去咗出差，有排都未返。」
我：「哦～原來係咁呀。」
堯：「咁我可唔可以繼續喺你度住一排呀？」佢細細聲講。
我：「ok呀。你唔介意就得。」
堯：「我梗係唔介意啦！」佢笑到成個傻婆咁，搞到我都想笑埋一份。
咁我哋繼續喺商場到行，到差唔多時間就會合返阿爸阿媽。離遠已經見到阿爸拎住一袋二袋，我心諗：我先唔想變到佢咁。咁同阿媽講咗堯嘅事，佢都好歡迎堯嚟住，話終於有人治到我，我真係黑人問號。

話咁快返到屋企樓下，咁阿堯話想過元朗攞幾件衫，咁我就車佢去。咁我喺佢樓下度等佢，咁啱又撞到啱啱收工嘅阿輝。
輝：「喂，咁啱呀。」




我：「Hi」
輝：「近排你個朵喺賽車界幾響喎。」
我：「吓，咩呀。」
輝：「後生仔揸冠軍白四門EK4，仲唔係你？」
我：「關我咩事，周街都係白色EK啦，一定係我嚟㗎咩。」
輝：「咁你前排係唔係同架紅色斬尾EG鬥車嚟呀？」
我：「係又點？」
輝：「屌，咁咪即係你嚟囉，架紅色EG喺龍翔道敢認第二，無人敢認第一㗎。你家陣鍊贏佢，大把人想同你鬥。」
我：「有無咁誇呀？」與此同時阿堯落到嚟。
輝：「總之你小心啲啦，唔阻你哋啦。」




講完阿輝就走咗。
堯：「傾緊咩阿頭先？」
我：「啲無聊嘢啫。」
之後我就車返堯返嚟我屋企，上到佢沖完涼準備訓，見個傻婆仲喺度唔知寫咩。
我：「仲唔訓？寫咩呀？」我打咗個喊露。
堯：「無⋯無⋯，無聊寫下嘢啫哈哈，我訓㗎啦。」