［已出實體書］《香港殘響》-荃灣倖存者基地: 52

一切由一個鞋印開始。
 
我跟施首領處身在兇案現場的廚房裏，望著窗邊的一個鞋印。
 
首領用筆指著，「睇到依個鞋印？ 兇手就係呢度爬入嚟，根據鞋印嘅深度…… 呢個兇手係個約183cm高嘅健壯男性。」
 
鞋印一直延伸到廚房門口。
 
步伐穩又輕……可以猜想他穿過客廳處的不透明膠簾後，就進入到 生物實驗室的範圍。
 




首領來到大鐵籠與電腦桌的旁邊，「 當時小方就企喺依個位置輸入研究資料， 突然就畀兇手從後箍頸，氣道受阻，大概兩分鐘佢就失去意識……但凶手明顯冇意欲要殺佢，手法算係仁慈。」
 
我點頭表示明白，又說：「 佢嘅目的…就係想燒死依隻黑甲實驗品？」
 
「唔只， 佢仲燒死埋呢隻實驗白老鼠……」
 
我望著鐵籠內的焦黑處， 確實是有一隻焦黑的老鼠屍……
 
奇怪，牠的身上似乎有著貓科動物的斑紋？而且…… 為什麼牠的一雙前爪變得大又尖？
 




我看著模樣 猙獰可怖的黑甲屍體，「 似乎…兇手係唔想我哋獲得最終研究成果。」
 
首領點點頭，「paper嘅研究資料佢偷走咗最主要部分，楊醫生嘅筆電，佢就成部浸咗落廚房鋅盆啲水入面， 而家完全死機， 睇唔到任何資料。當然，佢好可能已經一早用usb 抄走曬入面啲數據資料。」
 
「 所有針劑同疫苗畀佢到咗落廁所。」雙手環胸的天峰說。
 
「 咁首領你係點樣知道兇手係自己人？」
 
「 因為佢揀咗一個好合適嘅時機潛入嚟， 凶手熟悉守衛大舊……因為大舊最近有煩心事， 所以每晚十一點左右，佢都會偷偷地去防煙門嗰邊食煙……咁樣兇手就算係室內做成較大嘅聲響， 都唔會引起守衛注意。」
 




「但好不幸……大舊佢提早返咗嚟？」
 
「 我哋相信係……佢發覺入面有怪聲， 一打開門入嚟，就立即比人割頸同斬左雙手。」
 
天峰補充：「快狠準，大舊佢連摸刀柄嘅機會都冇……依種係日本拔刀術嘅手法，凶器應該係開山刀。」
 
「基地入面大把人用開山刀……」
 
首領回應：「嗯， 所以冇辦法喺呢個方向做調查……而最奇怪係大舊嘅雙手，完全消失咗……連馬桶都唔見。」
 
「咁怪…？ 照計血淋淋，佢應該唔會拎住黎逃走。」
 
「 有一樣嘢都好怪，」天峰皺著眉頭說，「就係行兇手法， 好明顯佢對小方係仁慈，對大舊就係非常兇殘……」
 
我說出自己的想法：「佢對大舊有私怨？…… 又或者，呢個兇手係雙重人格？」




 
「都有可能……而最後，呢個兇手帶著研究資料喺廚房離開， 而咁啱依度對落嘅cctv 係壞咗， 呢樣嘢唔係太多人知。」
 
「毫無疑問，我哋當中有敵對勢力嘅臥底。」天峰臉色陰沉地說。
 
我說出自己的猜想：「白衫黑幫……？綠楊嘅『順天者協會』？」
 
「嗯…… 嗰班跪拜並信奉殭屍嘅痴線人，有可能。」天峰。
 
「呢個臥底之後應該會搵機會將研究資料送出去外面， 大家留意下啦……但正面衝突嘅時候要小心啲，佢絕對係個武術高手。」
 
首領神色凝重，看著地上的鞋印說。
 
⊕
 




大約183cm高的男性……
 
天峰、生哥、阿力、楊醫生也是。
 
可是楊醫生明顯不曾習武，他亦沒有必要這樣做。
 
難道是天峰？他表面上同意首領默許的這項研究，但其實心裡不認同？
 
他那麼痛恨殭屍，會做這種事也是有可能的……
 
⊕
 
山重水複疑無路…？
 
柳暗花明又一村。




 
五天後的一個下午， 我收到一條令人非常驚喜的WhatsApp訊息：
 
默存，我是小方，楊醫生成功研發解毒疫苗了， 你同妹妹而家方便過嚟實驗室做注射？


歡迎留感想／意見／LIKE ~