［已出實體書］《香港殘響》-荃灣倖存者基地: 49

我捂著心臟位置的傷口，看著眼前的「奇蹟」——
 
很快，大概是六秒吧。
 
先是手掌復原，血洞不見了， 血液亦被皮膚吸收。
 
被刺爛的內臟逐漸修復， 變回原狀，被割開的腹部肌鍵復原，皮膚回復光滑的模樣。
 
細胞再生能力。
 




「我成功、咧。」虎殭看著，他滿意地笑了，鬆開了長槍。
 
我知道部份殭屍也有細胞再生能力，但我還是頭一次看見這麼快速復原的。 
 
突然，殺氣消失，它伸出手來想摸蕙的頭。
 
蕙警戒地後退，槍尖繼續指向不懷好意的敵人。
 
它訕笑一聲， 輕輕搖頭，轉身離去。
 




「……」
 
我跟蕙交換了一個眼神——唔殺我哋…？
 
——居然有唔咬人嘅殭屍？
 
——佢嘅目的就係為咗測試自己嘅極限？
 
高大的它突然一個拔地高躍，像超人般躍過幼兒園，再躍往華都中心方向。
 




⊕
 
渾身都是疼痛，血未完全止住。
 
蕙 護送我這個傷兵回到基地。
 
來到醫療室，一路上我咳了三次血……
 
「 楊醫生……楊醫生唔喺度？」蕙凌很是焦急。
 
身為護士長的天峰老婆走過來扶我，「 楊醫生佢重感冒，喺屋企休息緊。」
 
我上了病床，護士長幫我做了一個詳細檢查。
 
「左肩嚴重脫骹，可能壓住神經線， 所以你而家成隻手冇力…… 兩條肋骨裂左……胸口嘅傷口好深， 差啲傷到心臟……阿Moon仲係C房？ 叫佢過嚟幫手。」




 
……
 
在病床休息了兩天，仍未能下床走動。
 
這晚，阿力與陳景等人來探望我， 我跟他們簡單交代了那隻新品種殭屍的資訊。
 
蕙最遲來，只見她拿著手機進房，神情有點焦躁。
 
「 各位，我有段影片要畀大家睇！」
 
病房內有電視，蕙在陳景的幫助下， 成功將手機螢幕投影到大電視上。
 
在開始播放前，她說：
 




「 呢段片係民警嘅天佑傳比我，時間係前日嘅晚上，地點係白衫黑幫嘅大本營華都中心……事源係，啲白衫之前捉走咗民警嘅阿拔同古仔虐打……天佑佢哋成班人趕過去救人就見到咁嘅景象……」
 
——前日晚上，華都…… 咁好可能同嗰隻虎殭有關？
 
蕙凌按下play鍵。
 
影片開端， 昏昏暗暗的室內，是一個黑社會會議室的模樣，有實心長木桌，龍頭大椅，倒卧的關公像等物。
 
全部都掛著人體碎肉與大量血液。
 
肉塊與血液的主人是一眾白衫黑幫， 他們好明顯經歷了一場大屠殺。
 
接近三十具痛苦的屍體。
 
他們手上的利器似乎幫不了他們對抗強大的敵人。




 
大多數的男人……似是被堅硬的利爪強行挖出肉塊……多位壯漢似是失血過多而死。
 
拍片者天佑說：「 呢種血腥味……簡直係地獄…修羅場……到底係咩怪物做？」
 
鏡頭移向會議室角落的兩位年輕民警，他們的雙手都曾經被反綁。
 
阿拔與古仔，全身軟垂在地， 他們都暈了過去，正由駱隊長與一位女隊員做生命表徵檢查。
 
天佑繼續做旁白：「 ……佢哋嘅傷口雖然多，但淺……明顯唔係因為失血過多而暈， 睇落係因為見到一啲令人吃驚嘅景象，所以嚇暈咗。」
 
阿拔與古仔仍是閉著眼，沒有任何意識。