［已出實體書］《香港殘響》-荃灣倖存者基地: 04

我拿起手機，開始在小學同學對話群內輸入：
 
我：三位，我想同你哋交代下，異變後，我屋企到底發生左咩事…
 
家明：阿存！你個死仔包終於肯留言，你知唔知我哋好擔心你！！
 
美琪：係囉，擔心死人！好彩之前陳景話你無事，我哋先放心d
 
我：嗯…我係無咩事。但我妹妹被殭屍咬到，只不過中途被我阻止左…佢暫時變得…有Ｄ特殊…我暫且叫佢做半殭。佢宜家臉色變得比常人白，間中有咬人衝動，所以我宜家繼續用口罩同繩封住佢個口…佢之前隻右手斷左，但後來逐漸生長返出嚟…
 




家明：咁爆……咁小喬佢宜家隻右手完全正常？
 
我：非常正常，仲大力過我。
 
美琪：…咁你父母呢？
 
陳景：咁你妹妹佢宜家食d咩？
 
我：最初，我餵佢食水果餅乾個d，佢完全無興趣…後來我發現佢靠瞓覺黎補充體力，但愈瞓愈多，最近已經係一日要瞓20小時……我有d擔心佢…中途我試過…割手餵血比佢，佢似乎飲左血之後精神左d……但我始終無辦法一直咁用刀割手放血
 




陳景：唔好再亂試啦，一陣你傷口受感染點算！我聽講宜家診所d藥物都變成天價、無價寶
 
我：我妹妹變得愈來愈無精神，我驚佢…會餓死…所以我決定係時候帶佢出去，尋求援助……我係度諗，或者依個世界會有方法，將依類半殭變回人類？
 
（一陣沉默）
 
我：依種半殭狀態，我視為一種病……同血液元素或病毒有關，所以我諗一啲醫學專家或者科學家會幫到佢。而我推測，亂世後，再無政府…依類專業人士必然會聚埋一齊，聯同其他人成立共和國或大本營之類……所以我要出去尋找
 
陳景：之前係有傳香港北區有人成立了軍事共和國之類…但係就唔知確實位置係邊
 




我：而要有命行到去依種組織，就要集齊三樣野：武器、同伴、最新街道情報
 
美琪：同意
 
我：你地……願意成為我嘅戰鬥同伴嗎？
 
美琪：of course, 齊上齊落！
 
家明：願意
 
陳景：yes, I do!（大笑表情）
 
我：多謝大家。首先，我知道大家依一年幾都未出過門，我想知大家身邊有咩武器？
 
美琪：尖剪刀，廚刀




 
家明：釘槍，廚刀
 
陳景：日本劍道竹刀，𠝹刀，廚刀
 
陳景：明，你支釘槍係咩款式？傳張相嚟睇下
 
家明傳出的相片，是一支紅色氣動釘槍。
 
陳景：POWERFUL牌氣動釘槍……氣動很好，方便攜帶出外，可惜係蚊釘，殺傷力幾乎係零……同我屋企嗰支一樣，你可以唔使帶出嚟
美琪：講起裝修嘢，陳景就變專家（like手勢）
 
我：我諗大家都無護具？
 
陳景：無




 
家明：無呀
 
我：嗯…明白
 
我：廚刀你哋最好選把尖頭的，方便從怪物的頭骨空位…即係眼窩處刺入大腦
 
陳景：是，根據情報，那些殭……插頭是未必會死，只有破壞大腦才會死去，那是唯一的弱點
 
我：家明同美琪你哋住得近，要互相保護
 
家明：我哋集合嘅時間？地點？
 
我：七日後，星期二，1500，我拳館樓下等
 




家明：大河道麥當勞隔籬？
 
我：ys。選拳館係因為大家嘅裝備都唔足夠，我拳館有刀、有長槍、有頭盔護具…
 
我：我屋企把尖廚刀已經無左，餘下嘅刀太短，拳館嘅八斬刀長度合適，亦稱手，我一定要拎番。
 
⊕
 
家中糧食可以維持到一年半，是因為我一直沒有心情進食……所以一般只是維持一日一餐，甚至三日一餐。
 
是節省了糧食，但代價是流失了不少肌肉，現時體力亦較低。
 
選擇七天後才出外冒險，是因為我要花時間鍛鍊好我的肌肉、體能與武技。
 
⊕




 
七天後，客廳內，我與妹妹整裝待發。
 
踏上——血與鋼鐵的征途。
 
鬍子已剃，梳洗完畢，煥然一新。
 
我右手握著陳舊的鐵鎚，以詠春八斬刀的手法揮舞了幾下，風聲霍霍。
 
左手是平底鍋，一雙手臂以塗黑了的周刊包好，防止被咬（在群組裡看到的保命技巧，有點醜但應該有效，也親自替妹妹包上了）。
 
我最後一次打開背包做檢查：兩罐水果罐頭、一大包OREO巧克力夾心餅、繩子、萬用刀、大膠紙。
 
妹妹的背包則有一些糖果、廚房工具之類的東西。
 
我將平底鍋綁在腰帶上，右手緊握鐵鎚，懷著緊張的心情，打開大木門，再緩緩拉開銀色的鐵閘。
 
吱吱吱——因為連接位生鏽，鐵閘不斷發出難聽的金屬磨擦聲。
 
走廊的光管，因為電力不足而閃動著，形成了一種恐怖的氛圍。
 
地上有一灘乾涸的血液與不明的肉塊……是鄰居的……還是？
 
之前鄰居處傳來打鬥聲與慘叫聲，我也沒理會。
 
我深深吸一口氣，後退，又把鐵閘關上。
 
我再三檢查手上陳舊的鐵鎚——看鎚頭與柄子的部份是否連接穩妥。
 
我又想……不知道街外會否有不明的病毒……我戴上了跟妹妹同款的黑色硬口罩。
 
在這個瘋狂的世界裡冒險，任何一個小錯誤都足以致命。
 
沒警察、沒軍隊，我們只能自己救自己。
 
⊕
 
我牽著妹妹的手，行過走廊，經過升降機。
 
——升降機，依種危險的東西，我先唔會用。
 
——萬一去到地面時有殭屍撲入黎，我哋將無處可逃。
 
——行樓梯係最安全嘅做法。
 
我蹬開防煙門，小心翼翼的探頭張望，看看上層下層會不會突然有怪物或瘋子撲過來。
 
沒有。
 
但很臭。
 
由六樓一直走到地面，每層的樓梯間都傳來陣陣血腥與腐屍的氣味。
 
幸好有戴口罩，不然我可能早就嘔吐了。
 
在經過二樓時，有一堆人體殘肢在地上角落處……似是兩母子。
 
而妹妹看著，居然吞了吞口水，流露出一副想進食的樣子。
 
我連忙遮蔽她的眼睛，急急拖她走。
 
我一邊下樓梯，一邊嘆了口氣——我一定要盡快將妹妹變回常人。
 
⊕
 
離開荃灣花園平台，我們徑自往悅來酒店方向走去。
 
就在花槽處，我見到了一對中年夫婦的屍首——從高處墮下，多處嚴重骨折，因為歷盡風吹雨打而變形發臭……
 
都是我心中重要的人。
 
我瞪大了雙眼——這個畫面觸發了PTSD出現。
 
在異變後，我已經變得……不一樣。
 
我失去了部份人性。
 
縱使我當時還未察覺。
 
 
《殘響——有些事，雖然完結了，但仍會震撼著我們。》


歡迎加我FB~
https://www.facebook.com/water.lam.novels/