010101 的愛戀: 三

中二的上學期很快就過了一半，由於從ICQ 認識了子健和志民的關係，我也開始融入了班中男孩子的圈中。

他們小息打籃球的時候，也開始會邀請我一起。

慢慢地開始擺脫「讀書蟲」的形象，也認識了我另一位兄弟 - 張顯銘。

顯銘:「喂! 聽講你鐘意張靜怡，係咪真架?」

我: 「我都聽講你鐘意 粱曉欣! 咁係咪真架?」





顯銘:「係呀。咁你呢? 你未答我」

小時候朋友圈子中經常都謠言誰喜歡誰，有真有假

上星期傳 A君喜歡B 君，下星期又會傳A 君喜歡 C 君。

當然你要是萬人迷才會有這麼多機會被人謠傅。

不過那時候喜歡人沒有那麼多計算，只是從感覺出發。





人大了，總覺得喜歡一個人很難。

你要不介意她/他的過去，對他/她的現在感興趣，和她/他在未來看得見希望。


我: 「唔係啦，而家無鐘意佢啦。不過我地班好似好多人鐘意粱曉欣」

顯銘: 「係呀。不過都未有人追到佢，我仲有機會架。」

梁曉欣是我班中的「那些年」，班中有一半男孩傳出過喜歡她，但卻沒有人成功追到她。





不過我沒有參與其中就是。

我: 「咁你諗住點追佢?」

顯銘: 「我拎左佢屋企電話啦，之後會試下同佢傾電話!」

我: 「唔用ICQ 傾?」

顯銘: 「傾電話真實D 丫麻! 」

顯銘做事決斷，相對我處事優柔寡斷，他總是想做就會去做，不會想太多。


那一天回到家中，吃過晚飯後如想把ICQ 程式打開，然後如常地在互聯網上浪費時間。





ICQ 傳來一陣「敲門聲」 -  芝麻糊Online 了

青城城主 :「HI」

芝麻糊 : 「Hihi」

青城城主 : 「做緊咩呀~」

芝麻糊 : 「聽緊歌呀」

青城城主: 「你識唔識梁曉欣呀」

芝麻糊: 「點會唔識呀? 我地學校咁多鐘意佢，連高FORM 都有。」





青城城主: 「嘩，估唔到連其他FORM 都有...」

芝麻糊: 「哦~原來你唔鐘意靜怡，轉左鐘意曉欣呀」

青城城主: 「唔係呀=.=」

芝麻糊: 「今次難D 幫你WOR，我同佢又唔熟又咁多對手。」

青城城主: 「都話唔係~你聽緊咩歌呀」

芝麻糊: 「Gigi o既花火lo 。咁你鐘意邊個! 快d講!」

青城城主: 「新碟個隻 ? 快d send 黎啦。」

芝麻糊: 「用你一個秘密黎交換啦」





青城城主: 「咁我自己download...」

芝麻糊: 「小氣到死!」

----------------------------------------
原來歲月太長可以豐富可以荒涼

能忘掉結果　

未能忘記遇上....
----------------------------------------

她經常關心我喜歡誰

但從來也不會跟我提及她自己的愛情

那一天開始

我終於知道她icq info 的歌詞

原來大多是梁詠琪的歌