010101 的愛戀: 二

芝麻糊 : 「我話哂都係靜怡好姊妹，可以幫你講下好說話架!」

這個女孩究竟是什麼回事，剛認識不夠數分鐘就像跟我很熟悉一樣。

換轉是現在她應該會被很多人說是在「收兵」吧。

青城城主: 「嘩..你同我傾得幾句，就有好說話講。」

芝麻糊:「咁就要睇你識唔識DO 啦!」





青城城主: 「你見我對張靜怡咩都無做過, 就知對佢無感覺啦~」

芝麻糊: 「咁鬼容易放棄架你!」

青城城主:  「點解子健會SEND 你俾我架? 你又識佢?」

芝麻糊: 「你好傻呀 哈哈。唔識佢又點SEND 我俾你呀」

青城城主: 「你好似無答我問題...」





芝麻糊: 「想睇下邊個傻仔鐘意我好姊姊丫麻! 點知個傻仔真係傻!」

青城城主: 「你開頭話幫我講好說話，而家又話我傻仔...」

芝麻糊: 「睇你住青山城就知你傻啦~都話你想我幫你架啦!」

青城城主: 「唔使你呢碗黑色野幫我啦~」

芝麻糊: 「咩野黑色野呀 ! 芝麻糊不知幾好食~!」





青城城主: 「阿婆先食芝麻糊...」

我口才很差，但拿起鍵盤就不同了。也許不用面對面看他人面色，在網絡上也不需要立即回覆 。

可以想清想楚才回答，不用怕開罪別人。

我是一個名副其實的鍵盤戰士，因為如果一開始是面對面跟慧娜傾談的話，我想她很快就不理會我了。

芝麻糊: 「喂好串喎!o靚仔! 」

青城城主: 「年青人食糖水點會食芝麻糊呀~阿婆」

芝麻糊: 「你食屎啦! 我聽日會同靜怡唱衰你!」

青城城主: 「......」





芝麻糊: 「不過你都幾搞笑丫! 想追靜怡就快D試下啦~」

青城城主: 「你好想我追佢咩?」

芝麻糊: 「我做好人幫下你咋! 一陣蘇州過後...」

青城城主: 「多謝你o既好心，不過唔使啦~」

芝麻糊: 「仲等我咁好人add 你! 諗住幫你! 哼! 唔講住啦。bb」

青城城主: 「bb??」

芝麻糊: 「byebye 呀 阿伯!我要offline呀 仲話我係阿婆! 玩icq 連bb 都唔識!」





青城城主: 「......bb」

自此之後，我們便開始了不停互相取笑大家的對話，這就是我們的相處方式。

不過這算是相處嗎...?




如果當日你是「收兵」的話

也許今天我不會不懂怎形容我和你的事

也許我會有由小兵成為你身邊另一半一的天