《我嘅中學生涯竟然係同兩個女仔探討夢想》: CHAPTER「51」

「咁..係邊個..救我？」

我呆站在原地，不敢相信不是家欣救了我。

但，的確是家欣送我去醫院。

究竟發生了什麼事。

「喂...喂....喂！」肥熊拍醒了我。





「諗咩呀？」肥熊不解地說。

「我喺度諗，唔係家欣...會係邊個。」

肥熊若有所思地托托眼鏡，便說。

「你有冇諗過。」

「係你條女。」





曉兒？

難道是曉兒？

她救了我...但為什麼不是她送我到醫院？

當天的情況是怎樣...

我立刻拿出電話，撥打給曉兒。





你所撥打的電話....

「弊。」

「喂！你跑去邊呀？」

「遲啲再同你解釋！我要去花都！」

我一鼓作氣從粉嶺火車站，經過欣盛苑，跑到花都廣場，去找曉兒。

「你去左邊.....」我一路上只想著她。

「唔好係我諗咁樣.....」

不要。





「呼...呼...呼...」終於到了。

「喂，細佬，又係你呀？」大堂保安截住了我。

「我...我有緊要野....你比我入去...」

「唔得喎，你又冇登記。」

正當我和保安糾纏時，一把熟悉的聲音。

出現在我背後。

「樂言...？」





「允晴！你喺度就好喇...你有冇見過曉兒？」

因為太緊張的關係，不小心抓住了她的肩膀。

「妹妹，你識呢個哥哥架？」那保安用了一個不屑的眼神看著我。

「嗯...佢係我朋友。」允晴點點頭說。

允晴一直避開我的視線，我就知道不對勁。

「究竟...曉兒...佢去左邊...？」我著急地問。

「唉，始終紙都係包唔住火。」

「上去再講啦。」允晴嘆一嘆氣道。





我神情恍惚地跟著允晴，進了曉兒的家。

「你表姐...佢..喺邊？」我站在大廳裡說。

「你等我一陣。」允晴進了曉兒的睡房。

我稍為觀察了四周，發現很多傢私、擺設，甚至在鞋架上的鞋都消失不見。

曉兒，你究竟在哪裏？

片刻後，允晴在房間出來。

手裡拿著一個類似鞋盒的東西。





「你打開佢，就知發生咩事。」

我緊張地慢慢打開鞋盒。

裡面，是一雙球鞋。

還有一封信。

「呢對鞋....」



「做咩呀？鍾意呀？」

「覺得幾型。」

「鍾意咪買囉！」

「冇錢呀，要慳啲，同埋有排都未洗踢草地住，遲啲再買都可以。」