《我嘅中學生涯竟然係同兩個女仔探討夢想》: CHAPTER「48」

沒了挈友的高中生涯，究竟是會怎樣。

「仆街，琴日班高Form講完一大輪，完全唔知佢地嗡乜春。」肥熊看著選科紙抱怨道。

「唔理啦，反正你係揀嘅就會揀。」我說。

此時我們三個抬頭看著飛機。

「呃..唔洗望住我，我冇得揀，哈哈。」





可惜。

「係喎，你同YUKI點呀？」白頭佬問。

飛機若有所思地托著頭，想了想，便說。

「我地協議左架喇，會日日Skype，打視像電話，分享下每日嘅生活。」飛機笑道。

幸好有生之年出現了網絡這玩意，不然要分隔兩地的人真是不知怎算。





「異地戀好辛苦架喎，得唔得架。」肥熊問。

「唔得都要得架啦！」飛機聳聳肩說。

「遙遠的她～不可以再...」肥熊突然唱。

「收嗲啦，首歌個女仔有血癌，咪亂唱。」

我用筆袋狠狠打了肥熊一下。





「填好嘅同學可以拎出黎交喇。」寧寧拿著一個紙皮箱，跟眾人說道。

嗯，還是選Bafs跟PE好了。

「我交先喇。」我跟他們說。

「我都交得。」白頭佬也交了。

「幫我交埋啦！」肥熊把紙遞給我。

真是懶。

對了，曉兒說幫飛機開個派對歡送他，不知道曉兒跟他們提起了沒。

放學跟去找曉兒聊聊吧。





「喂，樂言。」

「咦？石SIR？」

「你得唔得閒，講兩句。」

在放學後，剛踏出班房門口，便碰到石SIR。

「喔..得閒呀。」我點頭道。

之後石SIR便把一張紙遞給我。

「北區..青年梯隊選拔...？」





「係呀，之前同你提過，想你唔好浪費自己嘅天賦，去選下區隊。」石SIR搭著我說。

「五月十號...得返唔係好多時間咋喎。」

「所以你趁未近考試，操下體能啦。」

「嗯，好呀，咁肥熊佢地呢？」我問。

「我會另外再搵佢地架喇。」石SIR說。

「OKOK。」

說罷石SIR便離開了，我就去找曉兒。

我剛轉身打算尋找曉兒，她就出現在班房門口，不過她沒看到我，而揹著書包急忙地離去。





「曉兒！」我在走廊大喊。

聽到我的呼叫後，曉兒停了下來。

「言..言仔！」她別過臉看著我說。

「走得咁急嘅？有野做呀！？」我上前說。

「呃，係呀！我去練舞呀！」曉兒微笑道。

「係喎你話就黎要比賽，到時我去睇你？」

「喔...好呀！」





說罷我們便離開學校，一起回到花都。

「你揀左咩科呀？」我吹著口哨問。

「揀左..Chem同歷史囉！」曉兒抬頭看我。

「哦....咁咪冇得一齊上堂！」

我故裝可憐的搖晃著曉兒的手。

「哎呀～咁唔同科啫～都可以見架！」

曉兒掐掐我的臉頰，甜笑起來。

真是肉麻，不過我喜歡。

「嘿嘿，你到喇！我返去喇！」

「好啦～拜拜！」曉兒假裝親我嘟嘴說。

我也回敬了她一個飛吻。

始終穿著校服在街親吻不太好，而且學校距離花都也不遠，很容易有老師經過。

在回家路上，我突然起一件事。

「屌呀。」

「唔記得問飛機個Party，Shit！」








中學時代就是這樣，並不是所有事情都可以盡如人意，或許是遺憾，但將來回想起當初，也是一種回憶。

「曉兒，同左佢地講未？」

「我搵左阿婷喇～佢話可以去佢爸爸間酒樓食野喎～同埋阿婷會幫手聯絡其他人。」

我們正坐在花都麥當勞，吃著板燒雞腿包。

以前還未流行什麼Party Room，所以多人的活動不是唱卡拉OK，就是吃火鍋。

「哦...咁阿婷會搞掂。」我拭去嘴角的醬說。

「會唔會好掛住人地架！」曉兒鼓起泡腮說。

「做咩，呷醋呀～」我奸姣地說。

「點知你啫！你同佢咁Friend！」曉兒道。

說不想念是假的，始終飛機是我一生之中最好的幾個朋友，長期沒得見面，多少也會掛念。

「少少啦，當然我第一個掛住嘅係你。」

曉兒臉上頓時泛起紅圈，好像被我突如其來的甜話融化了，數秒後她便說。

「哼，你試下唔掛住我，頭都擰甩你！」

「咩頭先～」我哄近曉兒，她的臉更紅了。

「咪..咪你個死人頭！」她噘起嘴說。

不逗你玩了，哈哈。

「食飽未！食飽就行囉！」我站起來說。

「等等...！」曉兒拉著我。

「喔？」我停下來看著曉兒。

「可唔可以坐多一陣...我想見你耐啲...」

「梗係可以啦～」說罷我便坐下來，曉兒也從對面的座位走到我旁邊坐下來，然後靠著我的肩膀。

我笑了笑，然後看著窗外的人群。

還是這裡好。