《我嘅中學生涯竟然係同兩個女仔探討夢想》: CHAPTER「46」
這年度所有賽事都結束了，再次回歸殘酷的現實生活，因為再過兩星期大家就要面臨選科。
「飛機仲未返黎。」
我看著肥熊旁邊的空位，總覺得不太對勁。
再別過臉看著白頭佬，他那可怕的表情，還是不要跟他說話，於是我便輕拍肥熊喊他。
「肥熊，諗好揀咩科未。」我問。
「未決定好喎...」
「可能都係揀Econ同Bafs掛。」肥熊補充。
嗯，那麼來年的其中一課選修科有機會跟肥熊一起上課，我再瞄瞄白頭佬，想起他之前說過會選體育和生物。
「點解中三好似過得咁快咁。」我托著頭。
有愛情的滋潤？
小息時，我去了隔壁找曉兒，但班上的同學說她出去了，不知道在哪裏。
「可能去左搵老師，都係放學再搵佢。」
曉兒昨晚WHATSAPP我午膳要練舞，所以我就不在午膳時找她了。
回到座位時，後面有人拍我。
「言仔。」
「哦..！你..家欣..！？搵我有咩事..」
「個樣咁驚我嘅～做咩呀？」
當然，還嫌被你弄得不夠慘。
「我想問下你揀咩科啫～」家欣笑道。
「呃...Bafs同PE囉....」我一邊說一邊看著兩個門口和窗外，希望曉兒不會在這刻經過。
「哦，好啦咁！」說罷她便回去跟阿峰繼續聊天，真是的，能否不要動不動就來找我，很易出事啊。
放學，我臨走前拍拍白頭佬，並叫肥熊看著他。
「曉兒Where are you！」我踏出班房道。
「HEY！」突然從廁所蹦出來，嚇死。
「頂差啲心臟病發。」我捂住臉說。
「咁就嚇親架喇？好屎啫！」曉兒說。
我和曉兒肩並肩走出校門，在學校時還未可以拖手，就算出了大門也未夠，要在花都時我們才敢牽著。
「食啲野囉。」我說。
「罕有喎，食咩先～」曉兒問。
「食你最愛呀！」我沒好氣地說。
「唔好食自己啦你！」
「.........」
拿到食物後，我和曉兒便閒聊起來。
「嗰日家俊咁嬲咁嘅？冇野嘛佢？」
「唉，我都唔知，佢唔肯講。」
「允晴話佢都唔知家俊做咩。」
連允晴也不知道，肯定不是一般的事。
「係喎，諗好揀咩科未呀你！」曉兒用滿手沙律醬的手掐著我的臉頰。
「Bafs同PE，應該都冇走雞～」我輕輕拭去臉上的醬汁，然後用紙巾抹去。
「嗯...都合乎我預料！」曉兒點點頭說。
「咁你呢？」我問。
曉兒托著下巴，若有所思地說。
「未諗啵！」還對我伸伸脷。
竟然，曉兒不像臨急抱佛腳的人，但距離選科還有點時間，未決定也不意外。
「話時話你遲啲有比賽咩，成日唔見你嘅。」
「呃...係呀！下個月...有個比賽。」
「所以小息呀午膳呀都要去練舞！」
「哦...」我點點頭。
片刻後，曉兒問我。
「星期六得唔得閒？陪我行街！」
「可以呀，你想去邊？」
「粉嶺！」
粉嶺？又是粉嶺，哈哈。
「喺粉嶺行唔厭咩，冇咩行咋喎。」
「同你行就得啦～」曉兒甜笑道。
春天的和暖總是讓人感到懶洋洋，但四處盛開的花朵為生活增添不少色彩。
「又黎呢度嘅？」我和曉兒坐在華明停車場天台，看著下方巴士站的人群。
「因為呢度對我地黎講係好有紀念價值嘅地方囉！」曉兒牽著我說。
記得除夕夜當天就是在這裡度過，沒有驚心動魄的情節，卻感到十分溫暖。
「嗯，第一次喺度過除夕。」我說。
「我細個喺度玩過燈籠，哈哈。」我接著說。
我留意到曉兒微笑著。
「我都係。」曉兒說。
「竟然？」有點意外。
「嗯，係呀。」曉兒點點頭。
我們沉默下來，片刻後，曉兒嘴巴微微張口地看著前方，似乎想說些什麼。
「言仔。」曉兒仍看著前方說。
「嗯？」我別過臉注視著曉兒。
「如果...我話第一次喺度見面，唔係除夕。」
「你會唔會好驚訝。」此時她看著我說。
我靜下來，試著回想起以前的事。
「比我呀！」
「但係...個燈籠係我...」
「你地唔可以蝦女仔架！」
可是記憶太模糊，已經很多年前。
「唔係除夕？」我皺起眉頭道。
「咁...係幾時？」
曉兒安靜數秒後，便開口說。
「真係唔記得？」
「呃....我好似冇印象....」我抓抓頭說。
「噗，咁算啦！當我冇講過！」
還對我做了個鬼臉。
我只好尷尬地點點頭。
「行喇！」曉兒站起來說。
「去邊呀？」我說。
曉兒敲敲我的額頭。
「去食野呀，唔肚餓架你。」
「哈哈，講起都有少少。」
「OK，GOGOGO！」
說罷我和曉兒便離開天台，到了花都一間車仔麵檔吃午飯，好像是第一次來。
本來以為曉兒會拉著我去吃麥當勞。
「驚你食到厭呀。」
不過只要跟你在一起。
吃什麼也沒所謂。
「食咩好呢....」曉兒正在苦惱。
「唔該！」我舉手示意。
「喂你做咩呀，咁快落單？」
「諗好咪落單...」
「咁你食咩呀！」曉兒接著說。
「牛腩蘿蔔油麵。」我說。
「你唔洗寫紙架？」曉兒無奈地看著我。
「咩寫紙.....」
曉兒拿起一張小小的紙張，上面是不同的餸和麵，然後遞給我。
「車仔麵唔係就咁落單架，要自己寫。」
「呃...我未食過，哈哈。」