《我嘅中學生涯竟然係同兩個女仔探討夢想》: CHAPTER「44」

二月尾，開始漸漸感覺到春天的氣息。

「今日又會咁好約我去海洋公園嘅。」曉兒笑瞇瞇地看著我說。

「我見一齊左之後都好似未去過啲主題樂園，咪諗住同你去玩下囉！」我說。

「講樣野你聽，其實我未去過。」曉兒握著火車的扶手，把身子靠向我說。

「下！唔係掛？海洋公園喎！」我有點驚訝。





「咁大聲作死你咩！成車人望住曬...」

曉兒的臉頓時紅起來。

「噗，講笑咋傻仔，以前阿爸阿媽帶過我去嘅！不過都好多年前喇～」曉兒微笑道。

笑起來真是好看。

忽然想起曉兒的爸爸仍在醫院，不知道他的身體狀況如何，但還是不要提起好了，免得曉兒傷心。





「其實我都未黎過。」我認真地說。

「下！真架？」輪到曉兒被嚇到。

「我都係講笑，哈哈。」我聳聳肩說。

「.........」憤怒的曉兒裝作要打我，嘿。

就這樣聊著聊著，很快便到了金鐘站，我們再乘坐接駁巴士到海洋公園。





「星期日真係好多人啵...買飛條隊好長呀！」曉兒挽著我的手臂說。

啊哈，是時候表演了。

「登登登櫈！」我從口袋拿出兩張入場券。

「下！！！你...你幾時買架？！」曉兒十分驚訝，不敢相信我早已買好票進場。

「我琴日專登出黎買架，係咪好Suprise呢。」

曉兒驚喜地看著兩張門票，又冷靜下來。

「怪唔之得琴日約你食飯你話要踢波啦！原來係呃我！哼！」曉兒雙手抱胸別過臉說。

「唔係！我諗住比..比個驚喜你呀嘛！」





曉兒看著我，然後突然捧腹大笑。

這個反應，好像不太對勁。

「點解笑到咁嘅你。」我無奈地看著曉兒。

「因..因..因為你專登出黎買飛...哈哈哈！！」

這是哪國家的語言，我怎聽不懂。

「買飛有咩問題......」我說。

「你...唔知可以上網買，跟住黎到再拎？」曉兒痴痴的笑著，而我不懂給反應，呆站在入口處。





原來可以這樣。

媽的！！那我豈不是多花了三小時由粉嶺坐車到金鐘！？豈有此理！！

「你個死傻仔.....！」曉兒指著我笑。

「........」

「入去未呀！笑！」我白了曉兒一眼。

「入啦入啦...哈哈哈哈笑鬼死我真係...！」

以前的海洋公園就算再多人，都只是香港的市民，如今的海洋公園，還沒上電梯便已經聽到周邊的人操一口流利的普通話。

「好耐冇黎喇！！」曉兒放我的手，到處繃繃跳跳，瞬間化身小女孩。





「拎張地圖先...」我在入口取了張地圖。

「去邊好呢。」我摸摸下巴說。

「我想去睇熊貓！」曉兒回頭笑道。

「OK！GOGOGO！」

先來點靜態的活動暖暖身也不錯，要是曉兒一來就拉著我去玩機動遊戲，我大概會升仙。

「邊隻打邊隻？」我看著兩隻一模一樣的熊貓，完全分辨不了。

「耳仔尖啲係佳佳！肥啲嗰隻係安安！」曉兒指著兩隻熊貓說。





「咁都識分...」

「個牌咪有寫囉傻仔。」曉兒看著指示牌說。

....原來是這樣。

「去鯊魚館！」曉兒拉著我說。

「乜你鍾意睇魚？」我問。

「鍾意呀。」

「點解鍾意？」

「我都唔知喎，覺得好睇咪鍾意囉！」

看完那些長相厭惡的深海魚後，曉兒便說。

「坐纜車囉去？」

「好呀。」

不知道兩個人坐纜車會是什麼感覺。

但是坐纜車，就代表我要玩機動遊戲了。

慘烈。

「喂你做咩怪怪地咁嘅？」曉兒看著我問。

我坐在纜車內，雙腿分開紮穩馬步，然後抓緊窗邊的扶手，我還特意坐在離車門最遠的位置。

要是一個不小心掉下去就再見了。

「冇..冇..冇野...」好高。

「你...唔係驚呀嘛？」曉兒奸姣地說。

「點點..點....點點..會！」求你快點吧。

「原來你畏高，估唔到喎～」

「............」

兩分鐘後。

「噗，我feel到你啱啱就黎嚇死。」曉兒笑道。

「耐冇坐啫....」擦了一把冷汗。

我以為情侶坐的會很浪漫，誰知道會是這樣。

正當我想說不如去玩點輕鬆的攤位，丟丟硬幣之類的東西時，曉兒突然說。

「海盜船，出發！！！」

仆街了。

我一路上都在抱怨不想玩海盜船，但被曉兒施展撒嬌攻勢，我只好屈服。

「下....你唔陪我玩呀....」曉兒噘起嘴，無辜地看著我，真是拿她沒辦法。

「去啦去啦...」我無奈地點點頭說。

「好耶！」

大約排隊等候了四十分鐘，終於可以上船。

「坐..坐中間好冇。」我顫抖地說。

「但係坐中間都唔刺激！坐最後啦！」

結果我被迫坐到最後一排。

頭數下還不算太恐怖，但當搖擺的幅度加大，我的心臟好像快要跳出來。

要衝下去了.......

「呀！！！！！！！！！！」

「啊呀！！！！！！！！！」

三十秒後。

「喂，你冇野嘛。」曉兒挽著我問。

「呼.....呼.....呼...」雙腳仍在震動。

「睇唔出你咁驚玩機動遊戲。」

曉兒把頭哄向我，仔細地打量著我的臉。

「錫返啦，唔好驚。」

啜。

那就差不多。

曉兒見我還未回復正常，便帶我到小食攤檔，買了兩枝汽水和熱狗。

「飲啖野啦傻仔。」曉兒把汽水遞給我。

「唔該....」

「驚玩機動遊戲仲約我黎海洋公園！」

「我地未黎過....想同你玩下嘛。」

「嗯...咁留個紀念都好嘅～」

之後曉兒就跟我到海洋劇場看海豚和海獅。

「點解啲海豚咁犀利嘅？」曉兒問。

「受過訓練，應該就識聽指令。」

「你落唔落去同啲同類玩下，哈哈。」我說。

「唔制，你就同類，我咁靚。」

我們每到一個景點都會拍幾張照。

或許長大再看這些照片會覺得很青春。

「言仔。」

「嗯？」

「夠唔夠膽坐摩天輪？」

「............」

「你係大佬，你話事。」我攤攤手說。

天色開始昏暗，我跟曉兒到摩天輪下排隊，觀察一下之後發現差不多全部輪候人士都是情侶。

「有冇坐過摩天輪？」曉兒拖住我問。

我搖搖頭。

「幸福摩天輪就聽過。」我笑道。

「咩黎架？」曉兒問。

「陳奕迅嘅歌黎。」我點點頭道。

「你真係好鍾意佢。」曉兒無奈地笑笑。 https://youtu.be/H6uwlax-0oE

我們在工作人員指示下，踏上摩天輪。

雖然有點緊張，但至少不像過山車那般刺激，而且可以握著曉兒的手，肩並肩地坐在摩天輪，也是挺幸福的事。

摩天輪的門關上，以緩慢的速度開始運轉，我帶著興奮又害怕的心情，隨著轉動慢慢升上半空。

和曉兒看著窗外的景色，忘記了害怕的感覺。

「言仔。」曉兒看著窗外說。

「嗯？」

「有冇聽過一個傳說。」


「關於摩天輪嘅傳說。」她托著頭說。

「冇啵...」我說。


片刻之後，曉兒轉過身看著我說。

「傳說係，如果一對情侶一齊坐摩天輪，佢地最後會分開，以分手告終關係。」曉兒靜靜地說。

我愣了一下，然後繼續聆聽。

「但係，如果當摩天輪上升到最高點嘅時候，兩個人互相吻向對方。」

「佢地就會一直走落去。」曉兒微笑地說。

「哦...咁我地上到去錫嘅話，咪會一直一齊。」我捉緊曉兒的手說。

「雖然係傳說，但我都要試下。」曉兒看著我說。

經過漫長的等待，摩天輪終於到達頂端。

我和曉兒緊閉雙眼，嘴唇互相緊貼著，久久不捨得放開，此刻的我們，相信傳說是真實存在的。

經過這一吻後，我輕輕擁抱著曉兒，曉兒也把頭靠在我的肩上，一起望向下方的人群。

「世界好大，我地好渺小。」
「不過我相信，簡單嘅幸福。」
「已經好足夠。」