《我嘅中學生涯竟然係同兩個女仔探討夢想》: CHAPTER「26」
我慢慢睜開雙眼，猛烈的陽光從窗簾中的縫隙照射進房間內，打開電話看看，原來已經星期日的早上九時半，我走出房間看看有什麼可吃。
「仔，醒拿？你訓左一日一夜喇。」媽媽在沙發上吃著水果。
「喔...係.......下！」一日一夜？
「係呀，你個衰仔星期五踢完波返到黎涼都冇沖就碌左上床，我見你好似好攰咁咪冇叫醒你囉，雪櫃有個叮飯，你肚餓就叮黎食啦。」
竟然沒有洗澡便上了床...看來要把床單和枕頭套掉進洗衣機。
雖然不太想吃便利店的飯，但是肚子餓不得不就範。
「仲有，咁大個人仲要個女仔送你返黎，醜死怪。」
什麼？
我回想起十六強後的晚上。
「咁麻煩你送佢返去喇，我地走先！拜拜！」
「放心啦，我會湊佢返去！」
我好像搭在一名女生的身上，她慢慢扶著我回家。
「你個言仔...睇黎真係好攰。」
「喂呀.....比啲力得唔得呀.....」
「喂！喂！....唔係訓著左呀！？你好重呀！」
她吃力地拱著我，一步一步地走回家。
「我.......」
「.........」
「....呢個樣。」
嗯？不太記得清楚她說什麼來著。
「伯母你好呀，我送言仔佢返黎。」
「哎呀唔該曬你呀，唔好意思呀麻煩到你真係！」
「入黎坐下啦！」
「唔洗啦伯母，我返去先喇！叫言仔小心啲呀，再見！」
「哦...咁好啦.....喂...！你個衰仔去邊呀？」
嗯，我應該是一回到家便攤了上床，還沒等她離去我便昏迷了。
這個女生......
是你嗎。
「言哥，訓得爽嗎？」肥熊一大清早課室用奇怪的語氣跟我說話。
「做乜鳩，晨咁早就笑淫淫。」我無氣地說。
「唔係嘛？咩都冇做？咪扮野啦！」肥熊睜大眼睛說。
他究竟在說什麼。
「唉～唔講就算。」
真心懷疑這個肥熊是不是得了幻想過度症。
小息時，我走出班房打算上廁所，剛好碰到在走廊的家欣和阿婷在聊天。
「HI，言仔你見點呀。」家欣看到我便說。
「喔...家欣..我冇咩點呀。」幹嘛每人都在說些奇怪的話。
「係呀言仔後日呢..我就比賽喇..你..你都會黎睇架可？」
「哦，應該會呀，好似冇特別野做。」
「嗯！咁就好喇！」
「到時阿婷同..同阿峰都會黎睇，你Join埋佢地都得呀。」她指著阿婷說。
阿峰？不太好吧，沒什麼興趣，我是來看你又不是來和阿峰建立關係。
不過屆時才算吧，反正我也不會主動找他們。
「好。」
「我..我去一去廁所先。」說罷我便轉身離去。
總覺得家欣有點古怪，但就是不知道何事。
放學後，我和白頭佬一起回去。
「睇下八強幾時踢先。」我打開電話查看學界網頁。
「十二月一號...」還有兩星期左右。
「言仔，有啲餓，不如去食啲野。」
「好呀，M記？」
沿途我們聊著十六強時比賽的不足，研究應該怎樣改善。
「我去搵位先，言仔你順便幫我買埋。」
「喂白頭佬，照舊？」白頭佬點頭回應。
當我取了食物後，捧著兩個餐尋找白頭佬時，看到她正在跟兩個女生同桌。
「HEY BOY！」
「樂言。」允晴向我微笑。
「咦，又會咁啱...你地都食野？」
「哈哈，傻仔成日問埋啲蠢問題！」
我什麼時候問過愚蠢的問題。
「嘿，我後日比賽喇，你話過會黎睇我架！」曉兒用纖細的手指指著我說。
「得啦，一定黎睇。」
後天......難道家欣和曉兒是參加同一個比賽？
應該是吧。
我留意到允晴正偷偷看著風度翩翩的白頭佬，真的替他們倆擔心，一個不懂談戀愛，一個則是很害羞。
「喂話時話允晴都會黎睇，叫埋你個Friend黎啦！」曉兒用肘輕碰我，暗示這正正時個好機會。
此時白頭佬停下來，突然說。
「我..我...嗰日...可..可..以呀！」
「咁你負責帶允晴去啦，大會堂你識去架啦。」曉兒對白頭佬說。
「識。」
很快我們便吃完東西，準備回家，當我們剛踏出門外，曉兒停下腳步。
「呀～我有啲野要買呀！言仔你陪我啦！」說罷她便拉走了我。
我還未反應過來，曉兒一邊回頭看一邊對白頭佬大喊。
「麻煩你送我表妹返去喇！拜～」
我們急忙地走進花都的百佳超市。
「喂，你有咩咁趕住要買呀。」
「啪！」
我的額頭曉兒狠狠打了一下。
痛.......
「咁蠢架你，我製造緊機會比..比佢地兩個。」
喔？想不到曉兒也挺聰明。
不過。
白頭佬不會現在就表白吧？
拜託你不要再把姻緣親手送走。
或許是早兩天下過雨的關係，今天的傍晚氣溫下降了不少，雖然只是十一月中旬，但感覺冬天好像快要來臨。
在超市內曉兒正選購著商品，我則跟在她的身後，然後曉兒和我聊起表妹的事。
「我呢個表妹平時喺街就正正常常，返到屋企就變到成個乾物女咁。」曉兒拿起一瓶礦泉水放進購物車。
「因為允晴唔鍾意出街，班上面啲同學約過佢幾次之後就冇再搵佢。」曉兒輕嘆了一下。
「所以去到中二都一直冇朋友。」我補充道。
「係架，不過見到佢同家俊好似幾投契，我就放心得多，希望佢地可以好好地相處啦。」
「同埋我覺得允晴佢係鍾意家俊呢類男仔。」
「即係邊類。」我好奇地問。
「乖仔呀..正直呀..好人呀咁樣囉...」她拿起商架上的麵包看了看背面。
似乎曉兒有點家庭主婦的影子。
每選擇一件商品都會先查看生產日期。
「哦......」
「咁你呢？你又鍾意邊類型男仔？」
其實我經常在學校看到有不同的男生對曉兒表達好感，然後送花啊寫情信什麼的。
沒一個看得上眼？
她停下腳步，把麵包放回架上，靜止了數秒。
「我鍾意～～」她轉過身把身子靠向我少許。
「靚仔。」
果然是外貌協會。
「挑，你地啲女仔淨係識睇樣！」
「好似我呢啲有內涵嘅男仔冇人注意！」
她好像愕了一下，然後打量了我幾眼。
「咁，洗唔洗我留意下你呀。」
這個突如其來的回應讓我有點不知所措。
我故作鎮定，看著冰箱內的冰淇淋和冰棒。
「呃..呀！揀下雪條先！」
「.......」
「車！冇癮！」她把購物車上的商品都拿走，然後走出了超市外。
「喂...！你去邊呀！」我連忙跟上。
「我返屋企呀，都晏喇。」曉兒看著天空說。
憶起當時，
覺得自己還是有點笨。